ՄԱԿ, Ադրբեջան և ԵԱՏՄ ԵՄ ընտրություն․ Հայաստանը ինչ է շահում, ինչ կորցնում | Platform 125

Փաշինյանի ՄԱԿ-ի ելույթը․ ինչու խաղաղության խոսույթը չի փակում իրական խնդիրները | Platform 125 ՄԱԿ-ի 81-րդ նստաշրջանի ֆոնին աշխարհում նորից սրվում են ուժային քաղաքականության, պատերազմների ու միջազգային համակարգի ապագայի շուրջ հարցերը։ Այս թողարկման ընթացքում Էդմոն Մարուքյանն ու Կարպիս Փաշոյանը քննարկում են Դոնալդ Թրամփի՝ Իրանի հասցեին հնչեցրած սպառնալիքները, Էմանուել Մակրոնի, Բենիամին Նեթանյահուի և Իրանի նախագահի ելույթները, ՄԱԿ-ի դերի թուլացման վտանգը, ինչպես նաև այն, թե ինչ փոփոխություններ են տեղի ունենում Միացյալ Նահանգների, Եվրոպայի և Մերձավոր Արևելքի քաղաքական դաշտերում։ Անդրադարձ կա նաև Ֆրանսիայի աճող քաղաքական դերին, Եվրոպայի ինքնուրույնացման փորձերին և ԱՄՆ-Իրան դիմակայության հնարավոր հետևանքներին։ Զրույցի երկրորդ առանցքը Նիկոլ #Փաշինյան ի՝ ՄԱԿ-ի ամբիոնից հնչեցրած հայտարարություններն են, Հայաստան-Ադրբեջան հարաբերությունները և խաղաղության գործընթացի շուրջ ձևավորվող նոր թեզերը։ Քննարկվում են հայերի ու ադրբեջանցիների «դարավոր խաղաղ գոյակցության» մասին հայտարարությունը, անհայտ կորածների հարցով հնարավոր նոր պարտավորությունները, #Գանձասար ի շուրջ «աղվանական» նարատիվի առաջխաղացումը և Հայ Առաքելական եկեղեցու դեմ իշխանության քայլերը։ Անդրադարձ կա նաև Հայաստան-Ռուսաստան հարաբերություններին, ռուսական էժան գազին, ԵԱՏՄ-ԵՄ տնտեսական ընտրությանը, ռուսական բիզնեսների նկատմամբ վերաբերմունքին և այն հարցին, թե արդյոք Հայաստանը, մեկ ուղղությունից հեռանալով, իրականում ուժեղացնում է իր ինքնիշխանությունը, թե պարզապես ստեղծում է նոր կախվածություններ։ ___________________________ Էդմոն Մարուքյանը և Կարպիս Փաշոյանը Պլատֆորմ փոդքասթի շրջանակներում քննարկում են այն ճշմարտությունները, որոնք իրենց համոզմամբ օդ ու ջրի պես անհրաժեշտ են Հայաստանին և հայ ժողովրդին, ինչպես նաև քննարկում են Հայաստանի առաջ ծառացած մարտահրավերները։