البطل أيمن محمد حسن | جندي مصري في قلب إسرائيل

#قصص_الجاسوسية #الجيش_المصري #ملفات_المخابرات 26 نوفمبر سنة 1990... يدخل جندي مصري لواحد من مشاريع  **عثمان أحمد عثمان في سيناء**. العمال والمهندسين هناك شافوا حالته، ساعدوه وتواصلوا مع القيادة العسكرية. وبعدها بوقت قليل يوصل له **النقيب محمد المسيري**، وبدأت رحلة رجوعه للقيادة. اتحركوا  بالفعل لحد ما وصل إلى مكتب رئيس **منطقة (ج) العسكرية في سيناء**. . أول ما دخل، الضباط بصوا له باستغراب. واحد منهم سأله: — إنت كنت فين و ايه اللي حصل ؟ وقف الجندي قدامهم، ساكت  من غير ما يدخل في اي  تفاصيل . لكن شكله لوحده كان بيقول إن اللي حصل مش مجرد اشتباك عابر على الحدود. كان واضح إن الجندي ده راجع من حاجة أكبر بكتير من اللي أي حد في المكان كان متوقعه.