Chicken Manchurian Cheese Balls 😍 | Crispy Outside, Cheesy Inside!

🍗 Chicken Manchurian Cheese Balls | Crispy, Cheesy & Delicious Recipe Aaj hum lekar aaye hain ek bahut hi tasty aur unique recipe – Chicken Manchurian Cheese Balls! 😍 Bahar se crispy aur andar se soft, juicy aur cheesy. Chicken aur cheese ka delicious combination is recipe ko aur bhi special bana deta hai. Ye tasty snack party, starters aur evening snacks ke liye perfect hai. Chicken Manchurian Cheese Balls Recipe 🍗🧀 Ingredients 1. Chicken Cheese Balls Ke Liye ½ kg Boneless Chicken 1 Egg Cheese 250 g Salt (Swad Anusar) Red Chilli Powder Crushed Red Chilli 1 Tablespoon Ginger Garlic Paste Refined Oil 2. Coating Aur Frying Ke Liye 5 Tablespoon Cornflour 1 Tablespoon Maida Salt (Swad Anusar) Red Chilli Powder Crushed Red Chilli Thanda Pani (Cold Water) 2 Cups Refined Oil (Frying Ke Liye) 3. Manchurian Sauce Ke Liye 2 Tablespoon Refined Oil Ginger Garlic (Finely Chopped) 3 Bade Tomatoes 1 Medium-Size Onion Spring Onion Salt (Swad Anusar) Red Chilli Powder 2½ Cups Water (Quantity Ke Hisab Se) Hot Chilli Sauce (Swad Anusar) 2 Cups Tomato Ketchup 2 Tablespoon Soy Sauce 2 Tablespoon Vinegar 4. Cornflour Slurry Ke Liye 2 Tablespoon Cornflour ½ Cup Water 5. Garnishing Ke Liye Finely Chopped Spring Onion White Sesame Seeds Chicken Manchurian Cheese Balls Banane Ki Recipe Sabse pehle hum ½ kg boneless chicken ko chhote-chhote pieces mein cut kar lenge. Uske baad chicken ko mixer jar mein add karenge. Ab ismein 1 egg, salt, red chilli powder, crushed red chilli aur ginger garlic paste add karke achhe se grind kar lenge. Jab chicken ka mixture ek smooth batter ki tarah ban jayega, toh use ek plate mein nikaal kar haathon se achhe se mix kar lenge. Ab hum ek bowl mein cheese lenge. Haathon par thoda sa oil lagakar chicken mixture ka chhota portion lenge aur haath par achhe se spread karenge. Ab iske beech mein cheese add karke use andar se achhe se cover kar denge aur ek ball ki shape de denge. Isi tarah haathon par oil lagate hue saare cheese balls bana lenge. Ab in balls ko 30–45 minutes ke liye freezer mein rakh denge, taaki ye achhe se set hokar proper shape le lein. Ab ek plate mein 5 tablespoon cornflour, 1 tablespoon maida, salt, red chilli powder aur crushed red chilli add karke achhe se mix kar lenge. Ek alag bowl mein thanda pani lekar rakh lenge. Ab freezer se chicken cheese balls nikaalenge. Sabse pehle balls ko cornflour mixture mein coat karenge, phir thande pani mein dip karenge aur dobara cornflour mixture mein achhe se coat kar lenge. Isi tarah saare balls ki coating karke rakh lenge. Ab ek kadhai mein lagbhag 2 cups refined oil add karenge. Oil ko medium flame par garam karenge. Dhyan rahe ki oil bahut zyada garam na ho. Ab dheere-dheere chicken cheese balls ko oil mein add karenge. Jab ek side achhe se cook ho jayegi, toh unhe palat kar doosri side bhi fry kar lenge. Humein balls ko zyada deep brown nahi karna hai. Bas halka golden brown hone tak fry karna hai. Jab saare balls achhe se fry ho jayenge, toh unhe ek plate mein nikaal lenge. Ab sauce banane ke liye ek kadhai mein 2 tablespoon oil add karenge. Ismein finely chopped ginger aur garlic add karke halka brownish hone tak saute kar lenge. Ab 3 bade tomatoes aur 1 medium-size onion ko mixer mein achhe se grind kar lenge. Iske baad iska saara juice chhaan kar alag kar lenge aur bacha hua pulp hata denge. Ab tomato-onion ka juice kadhai mein add karenge aur achhe se cook karenge. Ismein thoda sa spring onion, salt aur red chilli powder add karenge. Ab kadhai ko cover karke tab tak cook karenge jab tak iska mixture aadha na ho jaye. Jab mixture aadha ho jayega, toh ismein 2½ cups water add karenge. Aap apne chicken cheese balls ki quantity ke hisaab se pani adjust kar sakte hain. Jab sauce mein achhe se boil aa jayega, toh ismein hot chilli sauce add karenge. Ab 2 cups tomato ketchup, 2 tablespoon soy sauce aur 2 tablespoon vinegar add karke achhe se boil kar lenge Ab ek cup mein ½ cup pani lekar usmein 2 tablespoon cornflour add karenge aur achhe se mix kar lenge. Jab Manchurian sauce mein achha boil aa jayega, toh cornflour mixture ko dheere-dheere add karenge aur lagataar chalate rahenge, taaki sauce mein lumps na banein aur woh achhe se thick ho jaye Ab ismein apne fried chicken cheese balls add karenge aur thodi der tak sauce mein cook karenge, taaki andar ka cheese achhe se melt ho jaye. Aakhir mein upar se finely chopped spring onion aur white sesame seeds se garnish karenge. Aur lijiye, hamare bahut hi delicious Chicken Manchurian Cheese Balls bankar bilkul ready hain! Bahar se crispy, andar se juicy aur cheese se fully loaded! 😍🧀 #ChickenManchurian #ChickenCheeseBalls #ChickenSnacks #CheeseBalls #CrispyChicken #EveningSnacks #PartySnacks #EasyChickenRecipe #ChaskaWithSisters