Maidan e Arafat Jabal e Rehmat History In Urdu Maidan e Hashar Masjid Nimrah Islamic Stories

Maidan e Arafat Jabal e Rehmat History In Urdu Maidan e Hashar Masjid Nimrah Islamic Stories Ye video meri apni real travel experience ki recording hai jahan main ne Makkah Mukarramah Saudi Arabia ke muqaddas Islami maqamat ka safar kiya, khas tor par Maidan e Arafat, Jabal e Rahmat aur Masjid Nimrah. Is safar mein aap Arafat ke wasee maidan ka woh manzar dekh sakte hain jahan har saal lakhon Haji jama hotay hain. Jabal e Rahmat ki wo jagah bhi nazar aayegi jo Arafat ki aik mashhoor nishani hai, aur Masjid Nimrah ki tareekhi ahmiyat bhi share ki gayi hai. Masjid Nimrah wohi Masjid hai jahan Hajj 2026 ka khutba diya gaya tha aur har saal Hajj ke mauqa par isi Masjid mein Haji jama hote hain. Is video ko dekhnay ke baad jo log Hajj 2027 ke liye makkah jana chahtay hain woh maidan e arafat par ja kar pehle se hi is jagah ke bare mein mazeed maloomat hasil kar chukay hon gey. Video mein kuch riwayaat ka zikr bhi hai jahan Maidan e Arafat ko Maidan e Hashar se mushabihat di jati hai, sirf samajhne aur ghor o fikr ke liye. Ye sirf aik travel video nahin balkay aik roohani safar hai jo main ne khud experience kiya hai aur aap tak pohanchane ki koshish ki hai. Isi video mein Hajjatul Vida ke bare mein bhi baat ho gi kyun ke main aap ko aaj woh jagah dikhanay wala hon jahan Hazrat Muhammad SAW ne akhri hajj yani hajjatul wida ke moqa par akhri khuta irshad farmaya tha. Yani woh jagah hai mount arafat wohi pahar jahan Hazrat Adam aur Ama Hawa ki 300 saal baad mulaqat hoi thi. Jahan Allah ne un ki tauba qabool farmai. Jub qayamat aye gi tou dunya ke har insan ko hashar ke maidan mein jama kiya jaye ga jahan sub ka hisab ho ga. Aik riwayat ke mutabiq khayal kiya jata hai ke woh maidan-e-hashr mulk sham mein hai jabkeh Pakistan, India aur Bangladesh ke Muslims mein ye baat bhi mashoor hai ke qayamat ke din wo maidan arafat ka maidan ho ga.