Ілия Жақанов Сағыз төрінде. "Ағады Жайық" Ғибадат Тұрғалиевтің орындауында

Сағыздағы сырлы жүздесу 2023 жылдың қыркүйек айында қазақ өнерінің көрнекті өкілі, композитор, жазушы, музыка зерттеушісі Ілия Жақанов Ақтөбе – Атырау тас жолымен сапар шегіп келе жатып, жолай Сағыз ауылына аялдады. Бұл аялдама жай ғана демалыс емес, рухани әңгіме мен өнер жайлы сыр шертілген тағылымды жүздесу болды. Сағыз ауылында жергілікті зиялы қауым Ілия ағамызды жылы шыраймен қарсы алып, шағын дастархан жайып, құрмет көрсетті. Осы басқосуда Сағыз топырағында дүниеге келген, дәстүрлі ән өнерінің дарынды өкілі Ғибадат Тұрғалиев Ілия Жақановтың халық жүрегінен орын алған сырлы әндерін шеберлікпен орындады.Композитор ризашылықпен тыңдап, әншіге ақ батасын берді. Бұл кездесу – тек өнер иелерінің бас қосуы ғана емес, сондай-ақ ұрпақтар сабақтастығының, ұлттық өнердің жалғасып жатқанын дәлелдейтін тағылымды сәт болды.