اسلام آباد چیمبر آف کامرس اینڈ انڈسٹری 16ستمبر 2026 کے انتخابات FBRکے نئے ڈیجیٹل اقدامات اہم گفتگو

نیشنل پریس کلب میں ڈیموکریٹس گروپ اور ایف بی آر حکام کی پریس کانفرنسز ​اسلام آباد کے نیشنل پریس کلب میں دو اہم نشستیں منعقد ہوئیں، جن میں اسلام آباد چیمبر آف کامرس اینڈ انڈسٹری (ICCI) کے 16 ستمبر 2026 کے انتخابات اور فیڈرل بورڈ آف ریونیو (FBR) کے نئے ڈیجیٹل اقدامات پر اہم گفتگو کی گئی۔ ​اسلام آباد چیمبر کے انتخابات: ڈیموکریٹس گروپ کے تحفظات اور مطالبات ​ڈیموکریٹس گروپ کے چیئرمین آغا شیراز ملک، گل اصغر ایم این اے، شیخ سلیم اور دیگر رہنماؤں نے چیمبر انتخابات میں شفافیت اور غیر جانب داری کو یقینی بنانے کے لیے درج ذیل اہم نکات پیش کیے: ​غیر جانب دار الیکشن کمیشن: الیکشن کمیشن کی تشکیل میں مساوی نمائندگی اور مشاورت کا مطالبہ کیا گیا۔ ​شفاف ووٹر لسٹیں: دوہری ممبرشپ کے خاتمے، 'ایک ممبر، ایک ووٹ' کے اصول اور بائیومیٹرک تصدیق پر زور دیا گیا۔ ​مناسب انتخابی مقام: موجودہ جگہ کی قلت کے باعث انتخابی عمل کے لیے ایک بڑے، محفوظ اور غیر جانب دار مقام کے انتخاب کی تجوویز دی گئی۔ ​قانونی چارہ جوئی: تحفظات کے ازالے کے لیے DGTO، الیکشن کمیشن اور اسلام آباد ہائی کورٹ سے رجوع کیا گیا ہے۔ ​ادارپ جاتی اصلاحات: چیمبر کے امور میں میرٹ، شمولیت اور ایوارڈز کی شفاف تقسیم کا مطالبہ کیا گیا۔ ​ایف بی آر کی 'ٹیکس آسان ایپ' اور کرپشن کا خاتمہ ​نشست کے دوسرے حصے میں ایف بی آر کی ڈپٹی کمشنر اقراء شوکت نے 'ٹیکس آسان ایپ' کی افادیت اور عمومی مسائل پر گفتگو کی: ​ٹیکس آسان ایپ: شہریوں اور تاجروں کے لیے ڈیٹا کے اندراج، اپ ڈیٹ اور فائلنگ کو آسان بنا دیا گیا ہے تاکہ وکیل کی ضرورت کم سے کم ہو۔ ​کرپشن کا خاتمہ: غیر قانونی مطالبہ کرنے والے اہلکاروں کی فوری شکایت درج کرانے کی ہدایت کی گئی تاکہ احتساب کا نظام فعال ہو۔ ​صحیح معلومات کا اندراج: فائلرز کو اپنے تمام تر ریکارڈ کو منظم انداز میں ایپ پر اپ لوڈ کرنے کا مشورہ دیا گیا۔ ​نیشنل پریس کلب کے صدر عبدالرزاق سیال اور سیکرٹری ڈاکٹر فرقان راؤ نے ایف بی آر کے اس عوام دوست اقدام کا خیرمقدم کیا۔