أنا بخير… كذبة

كلماتي: لارا الديراني/ نيللي غناء وتلحين: ai كلمات أغنية: أنا بخير… كذبة بيقولولي شو فيك؟ بقول ما في شي وبضحك ضحكة ما بتشبهني بمشي بين العالم وكأني قويّة وبالليل بسكّر الباب… وبنهار منّي بقول تعبت شوي، وبكرا بمرق وبقول نسيت، وأنا بعدني بتذكّر كل كلمة جرحتني، كل باب تسكّر وكل شخص وعدني… وبآخر الطريق هاجر صرت خبّي دمعي قبل ما ينزل وصرت خبّي وجعي قبل ما ينعرف إذا سألوني: «بعدك موجوعة؟» بقول لأ… وأنا من جوّا عم بنحرق أنا بخير… كذبة حافظتها أكتر من اسمي أنا بخير… كذبة تا ما حدا يسألني شو صار فيّي أنا بخير… كذبة بس المراية ما بتصدقني بضحك قدّامهن كلّن وبلما إبقى لحالي… ببكي منّي ما عاد بدي حدا يقولّي «انسي» كأنو النسيان زر وبكبس عليه ما حدا بيعرف قديش حاولت وقديش كل ليلة كنت أرجع لنفس الحكي أنا مش ضعيفة… بس تعبت من دور القوية اللي لبسته سنين تعبت كون الشخص اللي ما بينكسر وأنا من جوّا مكسورة نصّين كل ما قرب حدا مني ببعده قبل ما يشوف الحقيقة خايفة إذا شافني متل ما أنا يحبّني أقل… أو يتركني بطريقة أنا بخير… كذبة حافظتها أكتر من اسمي أنا بخير… كذبة تا ما حدا يسألني شو صار فيّي أنا بخير… كذبة بس المراية ما بتصدقني بضحك قدّامهن كلّن وبلما إبقى لحالي… ببكي منّي يمكن بيوم… ما قول «أنا بخير» يمكن قول: «إي، أنا تعبانة» يمكن لأول مرة ما أخبّي كل اللي كسرني… وكل اللي خلّاني يمكن ما بدي حدا يصلّحني ولا يعطيني ألف تفسير يمكن بدي بس حدا يقعد حدّي ويفهم إن السكوت أوقات بيصرخ كتير أنا بخير… كذبة بس هالمرة ما عاد بدي كذّب أنا موجوعة… وإي، بعترف ومش عيب لو يوم قلبي يتعب أنا بخير؟… مش اليوم اليوم خلّيني كون أنا بلا ضحكة مستعارة بلا «ما في شي»… وبلا «أنا تمام» وإذا بكرا سألوني: «شو فيك؟» يمكن ما جاوب… ويمكن أبكي بس أكيد لأول مرة ما رح قول: «أنا بخير…»