San Lucas 10, 17-24. Sábado de octubre 2026. Evangelio en Q'eqchi'.

Evangelio en Q'eqchi'. Sábado 3 octubre 2026. San Lucas 10, 17-24 Ke'sutq'iik chaq eb' li kab'laju xkaak'aal chi saheb' sa' xch'ool ut ke'xye: --Qaawa', eb' laj tza neke'paab'ank chiqu sa' laak'ab'a'! Kixye li Jesus reheb': --Xwil laj tza chi t'ane'k chaq toj sa' choxa chanchan li raq'kaaq. Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere. Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa. Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu. “Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”. Naq wankeb' xjunes, li Jesus kixsutq'isi rib' chi rilb'aleb' li xtzolom ut kixye: “Us xaq reheb' li xsa' uhej li neke'ril li k'aru nekeril laa'ex. Ninye eere naq naab'aleb' li propeet ut awab'ej ke'raj raj rilb'al li nekeril laa'ex ut ink'a' ke'ril; ke'raj raj rab'inkil li nekerab'i laa'ex ut ink'a' ke'rab'i”. Raatin li Qaawa'