పారాయణతోనే ఉద్యోగం ఆరోగ్యం సంతానప్రాప్తి కలిగించే మకుట ధారణ సర్గ శ్రీరామపట్టాభిషేకం #dharmikakathalu

తతః స ప్రయతో వృద్ధో వసిష్ఠో బ్రాహ్మణైః సహ | రామం రత్నమయే పీఠే సహసీతం న్యవేశయత్ || వసిష్ఠో వామదేవశ్చ జాబాలిరథ కాశ్యపః | కాత్యాయనః సుయజ్ఞశ్చ గౌతమో విజయస్తథా || అభ్యషించన్నరవ్యాఘ్రం ప్రసన్నేన సుగంధినా | సలిలేన సహస్రాక్షం వసవో వాసవం యథా || బ్రహ్మణా నిర్మితం పూర్వం కిరీటం రత్నశోభితమ్ | అభిషిక్తః పురా యేన మనుస్తం దీప్తతేజసమ్ || తస్యాన్వవాయే రాజానః క్రమాద్యేనాభిషేచితాః | సభాయాం హేమక్లుప్తాయాం శోభితాయాం మహాజనైః || రత్నైర్నానావిధైశ్చైవ చిత్రితాయాం సుశోభనైః | నానారత్న మయే పీఠే కల్పయిత్వా యథావిధి || కిరీటేన తతః పశ్చాద్వసిష్ఠేన మహాత్మనా | ఋత్విగ్భిర్భూషణైశ్చైవ సమయోక్ష్యత రాఘవః || న పర్యదేవన్విధవా న చ వ్యాలకృతం భయమ్ | న వ్యాధిజం భయం చాసీద్రామే రాజ్యం ప్రశాసతి || నిర్దస్యురభవల్లోకో నానర్థః కం‍చిదస్పృశత్ | న చ స్మ వృద్ధా బాలానాం ప్రేతకార్యాణి కుర్వతే || సర్వం ముదితమేవాసీత్సర్వో ధర్మపరోఽభవత్ | రామమేవానుపశ్యంతో నాభ్యహింసన్పరస్పరమ్ || ఆసన్వర్షసహస్రాణి తథా పుత్రసహస్రిణః | నిరామయా విశోకాశ్చ రామే రాజ్యం ప్రశాసతి || రామో రామో రామ ఇతి ప్రజానామభవన్కథాః | రామభూతం జగదభూద్రామే రాజ్యం ప్రశాసతి || నిత్యపుష్పా నిత్యఫలాస్తరవః స్కంధవిస్తృతాః | కాలే వర్షీ చ పర్జన్యః సుఖస్పర్శశ్చ మారుతః || దశ వర్షసహస్రాణి దశ వర్షశతాని చ | భ్రాతృభిః సహితః శ్రీమాన్రామో రాజ్యమకారయత్ || ధన్యం యశస్యమాయుష్యం రాజ్ఞాం చ విజయావహమ్ | ఆదికావ్యమిదం త్వార్షం పురా వాల్మీకినా కృతమ్ || యః పఠేచ్ఛృణుయాల్లోకే నరః పాపాద్విముచ్యతే | పుత్రకామస్తు పుత్రాన్వై ధనకామో ధనాని చ || లభతే మనుజో లోకే శ్రుత్వా రామాభిషేచనమ్ | మహీం విజయతే రాజా రిపూంశ్చాప్యధితిష్ఠతి || ఐశ్వర్యం పుత్రలాభశ్చ భవిష్యతి న సంశయః | రామాయణమిదం కృత్స్నం శృణ్వతః పఠతః సదా || ప్రీయతే సతతం రామః స హి విష్ణుః సనాతనః | ఆదిదేవో మహాబాహుర్హరిర్నారాయణః ప్రభుః | సాక్షాద్రామో రఘుశ్రేష్ఠః శేషో లక్ష్మణ ఉచ్యతే || కుటుంబవృద్ధిం ధనధాన్యవృద్ధిం స్త్రియశ్చ ముఖ్యాః సుఖముత్తమం చ | శృత్వా శుభం కావ్యమిదం మహార్థం ప్రాప్నోతి సర్వాం భువి చార్థసిద్ధిమ్ || ఆయుష్యమారోగ్యకరం యశస్యం సౌభ్రాతృకం బుద్ధికరం శుభం చ | శ్రోతవ్యమేతన్నియమేన సద్భిరాఖ్యానమోజస్కరమృద్ధికామైః || భక్త్యా రామస్య యే చేమాం సంహితామృషిణా కృతామ్ | లేఖయంతీహ చ నరాస్తేషాం వాసస్త్రివిష్టపే || ఇత్యార్షే శ్రీమద్రామాయణే వాల్మీకీయే శ్రీరామపట్టాభిషేకో నామ ఏకత్రింశదుత్తరశతతమః సర్గః | ఇతి వాల్మీకి ప్రసాదిత శ్రీ మత్ రామాయణ కావ్యం సంపూర్ణం శ్రీ రామ పర బ్రాహ్మణే నమః అఖిలాండకోటి బ్రహ్మాన్డ నాయక రాజాధి రాజ హనుమత్ లక్ష్మణ సమేత శ్రీ సీతా రామ చంద్ర స్వామికి జయము జయము కాయేన వాచా మనసేంద్రియైర్వా బుధ్యాత్మనావా ప్రకృతీ స్వభావాత్ కరోమి యద్యత్ శకలం పరస్మై నారాయణాయేతి సమర్పయామి