ពលរដ្ឋមួយចំនួនចាត់ទុកការហាត់ប្រាណជួយដល់សុខភាព និងស្នើឱ្យសាលាក្រុងបន្ថែមសួនច្បារសាធារណៈ

ជារៀងរាល់ថ្ងៃ ពោលចាប់ពីម៉ោង ៥ល្ងាចតទៅ គេតែងសង្កេតឃើញវត្តមានពលរដ្ឋជាច្រើននាក់ ខ្លះដើរ ខ្លះរត់ ឯខ្លះទៀតលេងកីឡាផ្សេងៗនៅឯសួនច្បារវិមានឯករាជ្យ ឬសួននាគបាញ់ទឹក ក្នុងភូមិសាស្ត្ររាជធានីភ្នំពេញ។ និន្នាការនៃការហាត់ប្រាណនៅតាមសួនសាធារណៈហាក់មានការកើនឡើងជាលំដាប់ ពីមួយថ្ងៃទៅមួយថ្ងៃ។ ពលរដ្ឋមួយចំនួនបានអះអាងថា មូលហេតុដែលជំរុញឱ្យពួកគេទៅទីកន្លែងនោះ ព្រោះតែចង់បានសុខភាពល្អ ហើយម្យ៉ាងក៏ដើម្បីជួយសម្រួលដល់កាយសម្បទាផងដែរ។ ទោះយ៉ាងណា ពួកគេយល់ថា សាលាក្រុងភ្នំពេញគួរតែរៀបចំសួនច្បារសាធារណៈនៅទីតាំងផ្សេងៗបន្ថែមទៀត ដើម្បីជំរុញឱ្យពលរដ្ឋចូលរួមហាត់ប្រាណកាន់តែច្រើន។ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm