ليش ممكن تحس بالغربة حتى ببلدك؟

بتتخيّل ترجع على بلدك بعد سنين من الغربة، وتكتشف إنك بحاجة تتأقلم معه من أول وجديد؟ الغربة مو بس سفر وابتعاد عن الأهل والأصحاب، ومو مجرد اشتياق للوطن. أحياناً بتكون تجربة بتغيّر عاداتنا، وطريقة تفكيرنا، ونظرتنا لأنفسنا وللأماكن اللي مننتمي إلها، من دون ما ننتبه. بهالفيديو منحكي عن جانب من تجربة الاغتراب نادراً ما مننتبه إله: **صدمة العودة إلى الوطن (Reverse Culture Shock)**، وليش ممكن الإنسان يحس بالغربة حتى بعد ما يرجع على بلده الأصلي. من خلال قصتين حقيقيتين، منتابع تجربة الصحفية البريطانية جاكلين ستيل بعد عشر سنوات من العيش في دبي وعودتها إلى بريطانيا، وتجربة الباحثة السعودية عبير بار بعد سنوات من الدراسة والحياة في الولايات المتحدة وعودتها إلى السعودية. ومنحاول نفهم مع بعض: كيف ممكن تتغير عاداتنا ونظرتنا للحياة لما نعيش بمجتمع مختلف؟ ليش العودة للوطن أحياناً بتكون أصعب مما توقعنا؟ هل الاغتراب بالضرورة بيخلّي الإنسان أكثر وعياً ونضجاً؟ وكيف ممكن ننتمي لأكثر من مكان بنفس الوقت؟ وبنميّز كمان بين الاغتراب الاختياري بحثاً عن العمل أو الدراسة، وبين التهجير القسري بسبب الحروب والاضطهاد، لأن التجربتين مختلفتين جذرياً. هاد الفيديو مو عن أي بلد أفضل من التاني، ولا عن إن المغترب أفضل من غير المغترب. هو محاولة نفهم كيف بتتغير علاقتنا بالمكان وبأنفسنا مع مرور السنين. *وإنت، إذا كنت مغترب، شو أكتر شي حسّيته تغيّر فيك؟ وإذا رجعت على بلدك، حسّيت إنك رجعت لنفس الحياة اللي تركتها؟* وإذا ما جرّبت الغربة، كيف بتتخيّل شعور العودة بعد سنين طويلة؟ المصادر والمراجع: https://www.euronews.com/travel/2021/...   / coping-reverse-culture-shock-phd-mama-inte...   https://doi.org/10.1016/j.obhdp.2018.... https://doi.org/10.1016/S0147-1767(02... #الغربة #الاغتراب #العودة_للوطن #المغتربين #صدمة_العودة