PO ZOT | Jonida Beqo Vogli – Bie në dashuri me Biblën çdo ditë

Një ftesë nga shokët e klasës, një kishë shumë ndryshe nga ajo që kishte imagjinuar dhe një mesazh nga Ungjilli sipas Lukës do të shënonin përgjithmonë jetën e Jonida Beqo Voglit. Ishte ende në gjimnaz kur, në një sallë të thjeshtë dhe pa bujë, mori vendimin më të rëndësishëm të jetës së saj: t’ia dorëzonte jetën Jezus Krishtit. Nuk ishte thjesht emocioni i një momenti, por një vendim për gjithë jetën. Sot, si artiste në profesion dhe në shpirt, Jonida vazhdon të jetojë me të njëjtin pasion për Perëndinë dhe me dëshirën për të qenë ambasadore e Krishtit kudo që Ai e ka thirrur. Në këtë episod të “Po Zot”, ju ftojmë të njihni historinë e saj të besimit dhe të rizbuloni së bashku me të bukurinë e Fjalës së Perëndisë. Një rrëfim që na sfidon të biem në dashuri me Biblën, çdo ditë. #PoZot #JonidaBeqoVogli #Bibla #Besimi #JezusKrishti #Dëshmi #TV7 #Radio7 #Media7