Серуендеп жүрген келіншек пен сәбиін қатты жылдамдықпен қағып, қашып кеткен жүргізуші әлі табылмады

Қызылорда қаласында серуендеп жүрген келіншек пен сәбиін қатты жылдамдықпен қағып, оқиға орынынан қашып кеткен көлік жүргізушісі әлі табылған жоқ. Жантүршігерлік жол апатынан бес айлық нәресте көз жұмған. Ауруханада жатқан 26 жастағы анасының да жағдайы ауыр. Қазір полицейлер қалада бақылауды күшейтіп, күдіктіні іздестіріп жатыр. Бірақ жәбірленушінің туыстары қаптаған камерадан бір адамды үш күннен бері ұстай алмау ақылға симайды деп ашынады. Бұл қайғылы оқиғаға дейін болған сәт. Арбаға сәбиін салып, көшеде серуендеп жүрген видеосын Наргиз Бұқарбай жақынына жіберген екен. Бірақ көп ұзамай жол жиегінде алаңсыз келе жатқан ана мен баланы жеңіл көлік көз ілеспес жылдамдықпен қағып кетеді. Бейнебақылау камерасынан жүргізушінің тежегішті баспастан жүйіткігені анық көрінеді. Ол аздай, көмек көрсетпей оқиға орнынан қашып кеткен. Ал бес айлық нәрестенің демі сол сәтте үзіліпті. Ал, 26 жастағы әйел ауруханаға жеткізілген. ЖАНАР МАХАМБЕТОВА, жәбірленушінің туысы Жұрт абдырап уже біздің келінге көмек көрсетем деп неғып жатқан кезде анау уже қашып кеткен уже. Аяқ киіміне дейін шешіп қашып кеткен. Міне, қазір үш күн болды. Үш күннен бері біз бірде-бір мәлімет алмадық. Ол жер бетінде жүрген адам. Ол тышқан емес қой. Інге кіріп кететін. Ол тоқпақтай адам. АБАЙ НҰРЖАНҰЛЫ, тілші Жантүршігерлік жол апаты міне, дәл осы көшеде болған. Байқасаңыздар, жол өте тар. Жылдамдықты сағатына 40 шақырымнан асыруға болмайды деген белгі де тұр. Бірақ соның өзінде күдіктінің көлігімен сонша қатты жылдамдықпен жүйіткігенін түсіне алмаймыз дейді келіншектің туыстары. Кішкентай баласынан айырылған әйел қазір жансақтау бөлімінде жатыр. Келіншектің бірнеше сүйегі сынып, басына ауыр зақым келген дейді дәрігерлер. ӘСЕТ ЖАЛМАҒАНБЕТОВ, Қызылорда облыстық көпбейінді ауруханасы бас дәрігердің орынбасары: Бас сүйектерінің ашық жарақаты. Бас миының орташа дәрежедегі соғылуы. Жүйде сүйектерінің сынығы, сол кеуде қуысының 3,4,5- қабырғаның және бұғанағының сынығы, жамбас сүйектерінің сынығы, екі аяғындағы тобық сүйектерінің сынығы диагнозымен жатқызылды. Ал полицейлер қаланы шарлап, 26 жастағы күдіктіні үш күннен бері таппай жатыр. РАҚЫМЖАН СҰЛТАНҚҰЛОВ, Қызылорда облысы полиция департаменті басқарма басшысының міндетін атқарушы: Адам өліміне әкеп соққан жол көлік оқиғасы және оқиға орынынан кетіп қалу дерегі бойынша қылмыстық істер қозғалды. Қалаға кіре беріс жолдардың барлығына бақылау күшейтілді. Күдіктіні іздестіру және ұстау бойынша жедел іздестіру шараларына полиция департаментінің барлық күштері мен құралдары жұмылдырылды. Зардап шеккен Наргиз Бұқарбай бір жыл бұрын ғана тұрмысқа шыққан екен. Көз жұмған сәби жас отбасының жалғыз ұлы екен. Жәбірленушінің туыстары күдіктінің қолына кісен салынып, қатаң жазаға тарылуын талап етеді. #Информбюро #31арна #БастыЖаңалықтар #Новости #31канал