2 апрел Халқаро болалар китоби куни байрами муносабати билан ташкил этилган маънавий-маърифий тадбир

Китоб – инсоннинг эркин фикрлаши, дунёқарашининг кенгайиши, ақлан етук бўлиши, маънавиятининг шаклланишида асосий ўрин эгаллайди. Китоб ўқиган инсоннинг ақли чархланиб, маънавияти бойиб етуклик сари илдамлайверади. 2 апрель –"Халқаро болалар китоби куни" муносабати билан Бухоро вилояти Болалар кутубхонаси ҳамда “Маҳалла” хайрия жамоат фонди вилоят бўлими ҳамкорлигида Бухоро шаҳридаги 14 - умумий ўрта таълим мактабида “Китобхонлик ҳафталиги”нинг очилишига бағишланган тадбир ташкил этилди. Тадбирда вилоят Халқ таълими бошқармаси, Республика маънавият ва маърифат маркази шаҳар бўлинмаси масъуллари иштирок этдилар. Шунингдек, 5 - сонли мусиқа ва санъат мактаби ўқувчиларининг мусиқали чиқиши тадбирга ўзгача завқ бағишлади.