စစ်ကောင်စီရဲ့ လက်နက်ပွဲစား သစ်တောဝန်ကြီးဟောင်းရဲ့သား (ရုပ်/သံ)

စစ်ကောင်စီရဲ့ လက်နက်ပွဲစား သစ်တောဝန်ကြီးဟောင်းရဲ့သား (ရုပ်/သံ) ဧရာဝတီ၊ ဩဂုတ် ၁၆၊ ၂၀၂၄ မြန်မာနိုင်ငံတွင် စစ်ဗိုလ်ချုပ်များနှင့် အခွင့်ထူးခံ စီးပွားရေးသမားများကြား ဆက်ဆံရေးကို ဆယ်စုနှစ်ပေါင်း များစွာ ပျိုးထောင်ခဲ့ကြသည်။ ၎င်းတို့ မိသားစုများ အတွင်း နောက်မျိုးဆက်တခုကို စီးပွားရေး အမွေ လက်ဆင့်ကမ်းခဲ့ကြရာ လုပ်ငန်းမျိုးစုံ ချဲ့ထွင် လုပ်ကိုင်သည့် အင်ပါယာကြီး အဖြစ် ကြီးထွားလာသည်။ ထိုအမွေ မျိုးဆက်ထဲ၌ စစ်ကောင်စီ အတွက် စစ်လက်နက် တင်သွင်းရာတွင် အဓိက ကျသည့် ဦးစစ်တိုင်းအောင် သည်လည်း တဦးပါဝင်သူ ဖြစ်ပြီး သူ၏ မူလ လာရာလမ်းသည် သူ့ဖခင် ဦးအောင်ဖုန်းနှင့် ယခင် စစ်အုပ်စုကြား ဆက်ဆံရေး အပေါ် မူတည်ခဲ့သည်။ သူ့ဖခင်၏ ရာထူး အရှိန်အဝါနှင့် ဦးစစ်တိုင်းအောင် ထောင်တက်လာခြင်းသည် မိသားစုများနှင့် စစ်အုပ်စုများ အတွင်း ခရိုနီ ဆက်ဆံရေးများ တည်ဆောက် ထိန်းသိမ်းထားသည့် နည်းလမ်းကို ဖော်ပြနေသည်။ ၁၉၉၀ ပြည့်နှစ်များ နှောင်းပိုင်းတွင် ထိုစဉ်က သစ်တောဝန်ကြီး ဗိုလ်ချုပ်ဟောင်း ဦးအောင်ဖုန်းသည် နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ (နအဖ) စစ်အုပ်စု၏ သဘာဝအခြေခံ ခရီးသွားလုပ်ငန်း တည်ထောင်ရန် ရည်မှန်းချက် စီမံကိန်းကို ဖော်ဆောင်ရာတွင် အဓိကကျသူတဦး ဖြစ်သည်။ #မြန်မာ #ဧရာဝတီ #ဦးစစ်တိုင်းအောင် #ဦးအောင်ဖုန်း #သစ်တောဝန်ကြီး #ခရိုနီ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/3btQYpR