បាឋកថាស្ដីពី “តើក្នុងសតវត្សរ៍ទី៨ ពិតជាមានជ្វាឈ្លានពាន មកដាក់អាណាព្យាបាលលើកម្ពុជាមែនឬទេ?”

សារមន្ទីរជាតិបានរៀបចំបាឋកថាសាធារណៈស្ដីពី “តើក្នុងសតវត្សរ៍ទី៨ ពិតជាមានជ្វាឈ្លានពាន មកដាក់អាណាព្យាបាលលើកម្ពុជាមែនឬទេ?” លោកបណ្ឌិត វង់ សុធារ៉ា សាស្ត្រាចារ្យសិលាចារឹកសាស្ត្រ និងប្រវត្តិសាស្ត្រខ្មែរ និងជាប្រធានដេប៉ាតឺម៉ង់ប្រវត្តិវិទ្យា នៃសាកលវិទ្យាល័យភូមិន្ទភ្នំពេញ។ ខ្លឹមសារសង្ខេបនៃបាឋកថា៖ ជ្វាឈ្លានពាន និងដាក់អាណាព្យាបាលលើកម្ពុជានៅក្នុងសតវត្សរ៍ទី៨ គឺជាព្រឹត្តិការណ៍ប្រវត្តិសាស្ត្រជាប្រពៃណី ដែលអ្នកប្រាជ្ញបារាំងបានប៉ាន់ស្មានទុកតាំងពីទសវត្សរ៍ឆ្នាំ១៩០០មក។ ប៉ុន្តែការសិក្សាអំពីរាជកិច្ចព្រះបាទជយវម៌្មទី២ របស់លោក ក្លូត ហ្សាក់ ដែលបានផ្សាយនៅឆ្នាំ១៩៧២ គឺជាការបដិសេធលើកដំបូងចំពោះព្រឹត្តិការណ៍ជ្វាឈ្លានពាននេះ។ បន្ទាប់មកលោក វិក ឃើរី បានគាំទ្រ និងបន្ថែមភស្តុតាងចំពោះគំនិតនេះ។ ចំណែកលោកបណ្ឌិតក៏មាននិន្នាការគាំទ្រអំណះអំណាងនេះដែរ ដោយសារឃើញមានភស្តុតាងគាំទ្រមួយចំនួនទៀត។ ហេតុនេះហើយ ទើបលោកបណ្ឌិតប្រមូលផ្ដុំការសិក្សាទាំងអស់មកបង្ហាញនៅពេលនេះ។ Facebook:   / nationalmuseumcambodia   Twitter:   / museumcambodia   Instagram:   / national_museum_of_cambodia   Telegram: https://t.me/museumcambodia © សារមន្ទីរជាតិកម្ពុជា / National Museum of Cambodia #national #museum #cambodia #collection #archeology #artefact #culture #art #tradition #heritage #exhibition #conservation #talk #kampucheathmey