ქეთევან არაბიძე - პულსოქსიმეტრი

🩺 პულსოქსიმეტრი არის პატარა მოწყობილობა, რომელსაც თითზე ვათავსებთ და რომლის საშუალებითაც სისხლში ჟანგბადის სატურაციასა და პულსის სიხშირეს ვაფასებთ. ეს განსაკუთრებით მნიშვნელოვანია როგორც ოპერაციის დაგეგმვისას, ისე ანესთეზიის დროს პაციენტის მდგომარეობის მონიტორინგისთვის. 💅 მინდა, ერთი პატარა, მაგრამ მნიშვნელოვანი თხოვნით მივმართო პაციენტებს: თუ გეგმავთ ოპერაციას, გთხოვთ, შესაძლებლობის შემთხვევაში, წინასწარ მოიშოროთ გელ-ლაქი, შილაკი ან ძალიან გრძელი ფრჩხილები. 👆 მიზეზი მარტივია-პულსოქსიმეტრის თითზე სწორად მოთავსებას ფრჩხილის საფარი ზოგჯერ ხელს უშლის და შესაძლოა სატურაციის მაჩვენებელი ზუსტად ვერ მივიღოთ. შესაბამისად, ექიმისთვის მნიშვნელოვანია, რომ მოწყობილობამ მაქსიმალურად სანდო მონაცემი მოგვაწოდოს. 🏥 რა თქმა უნდა, გადაუდებელი ოპერაციის შემთხვევაში ეს არ წარმოადგენს ოპერაციის გადადების მიზეზს-საჭიროების შემთხვევაში ოპერაცია ჩატარდება და ჩვენ პაციენტის მდგომარეობის მონიტორინგის სხვა გზებსაც გამოვიყენებთ. ❤️ ხოლო თუ საქმე გვაქვს გეგმიურ ოპერაციასთან, გთხოვთ, წინასწარ გაითვალისწინოთ ეს პატარა დეტალი. თქვენი მხრიდან ასეთი მარტივი მომზადება ექიმს საშუალებას აძლევს, ოპერაციის დროს პაციენტის მდგომარეობა უფრო ზუსტად და სრულყოფილად აკონტროლოს.