စစ်တပ်က AA ကို မနေ့တနေ့ကမှပေါ်လာတဲ့ နောက်ဆုံးပေါ်အဖွဲ့ဆိုပြီး အရမ်းအထင်သေးခဲ့တာ

စစ်တပ်က AA ကို မနေ့တနေ့ကမှပေါ်လာတဲ့ နောက်ဆုံးပေါ်အဖွဲ့ဆိုပြီး အရမ်းအထင်သေးခဲ့တာ ……………… လပေါင်းများစွာ တိုက်ခိုက်ခဲ့ရသော အမှတ်(၅) နယ်ခြားစောင့်ရဲတပ်ဖွဲ့ခွဲ(နခခ ၅) ကို ဒီဇင်ဘာ ၈ရက်နေ့တွင် အပြီးသတ်သိမ်းပိုက်လိုက်ပြီးနောက် အာရက္ခတပ်တော် AA သည် မြန်မာ-ဘင်္ဂလားဒေ့်ရှ်နယ်စပ်မှ မောင်တောဒေသတစ်ခုလုံးကို ထိန်းချုပ်လိုက်ပြီဖြစ်သည်။ ၁၂မိနစ်ခန့်ကြာမြင့်သည့် နခခ ၅ စခန်းသိမ်းတိုက်ပွဲ ရုပ်သံမှတ်တမ်းကို ယနေ့(ဒီဇင်ဘာ ၁၁)နံနက်အစောပိုင်းတွင် AA က ထုတ်ပြန်ခဲ့သည်။ ထိုရုပ်သံဖိုင်ထဲတွင် စစ်ကောင်စီ၏ ဗိုလ််မှူးချုပ်တစ်ဦး အပါအဝင် ရာနှင့်ချီသည့် စစ်သုံ့ပန်းများကိုလည်း AA က လက်ရဖမ်းဆီးနိုင်ခဲ့သည်။ ထို့ပြင် တိုက်ပွဲအတွင်း AA တပ်ဖွဲ့ဝင်များက စစ်ကောင်စီထံမှ သိမ်းဆည်းရရှိခဲ့သည့် တာဝေးပစ်လက်နက်ကြီး အမြောက်အများကို ပစ်ခတ်သုံးစွဲနိုင်ခဲ့သည်ကို တွေ့ရသည်။ လွန်ခဲ့သော ၂၀၁၉၊ ၂၀၂၀ ခုနှစ်အတွင်းက ရခိုင်ပြည်နယ်တွင် တာဝန်ကျခဲ့ပြီး၊ ၂၀၂၁ စစ်တပ်အာဏာသိမ်းပြီးနောက် အာဏာဖီဆန်လာသူ CDM တပ်အရာရှိကို AA ၏ တိုးတက်လာသော တိုက်ခိုက်ရေးစွမ်းရည်နှင့်ပတ်သက်၍ ဆက်သွယ်မေးမြန်းထားသည်။ မေးမြန်း - စထွန်းအောင်