Мурочиати ЛОИК ба ракибаш пеш аз бой / Омодагии сати НУРУЛЛО ба UFC / Пешниходи Хамзат ба Стрикленд

Нурулло Алиев ба муҳорибаи навбатии худ хеле ҷиддӣ омодагӣ мебинад. Бо вуҷуди он ки ӯ ин муҳорибаро дар муддати кӯтоҳ қабул кард, Нурулло вақтро аз даст надода, машқҳои худро сахт идома медиҳад. Ҳоло ӯ дар Душанбе қарор дорад ва дар якҷоягӣ бо чанд размкори шинохта ва қавии Тоҷикистон тамрин мекунад. Нурулло мехоҳад дар вақти боқимонда худро то ҳадди имкон хуб омода кунад ва бо ҳолати беҳтарин ба октагон барояд. Муҳорибаи навбатӣ барои Нурулло хеле муҳим аст. Рӯзи 24-уми октябр дар мусобиқаи UFC 333 дар Абу-Даби ӯ бо размкори топ 15 UFC, Грант Доусон рақобат мекунад. Нурулло то имрӯз 12 пирӯзӣ дошта, бебохт мебошад. Барои ӯ ин боз як санҷиши ҷиддӣ дар UFC мешавад ва пирӯзӣ метавонад ба ӯ барои пеш рафтан дар вазни сабук кӯмак кунад. Размкори тоҷик Лоик Раҷабов пеш аз муҳорибаи навбатии худ ба рақибаш Никалай Александхин муроҷиат кард. Лоик гуфт, ки тоҷикон мардуми меҳмоннавозанд, аммо барои Николай дар давоми 15 дақиқаи муҳориба ягон меҳмоннавозӣ нахоҳад буд. Ӯ ҳамчунин гуфт, ки ба рақобат ҷиддӣ омода мешавад ва мехоҳад барои мухлисони тоҷик як муҳорибаи хуб нишон диҳад. Раҷабов аз ҳамаи мухлисон даъват кард, ки ӯро дастгирӣ кунанд ва ваъда дод, ки дар октагон бо тамоми қувва баромад мекунад. Ёдовар мешавем, ки рӯзи 30-уми октябр дар Душанбе мусобиқаи ACA 209 баргузор мешавад. Дар ин мусобиқа Лоик Раҷабов ва Никaлай Александхин бо ҳам вомехӯранд.