ဆိုင်အနံ့အရသာအတိုင်း ကြက်သားဒန်ပေါက်ကောင်းကောင်းလေး ချက်စားကြအောင်

ကြက်သားဒန်ပေါက်ကောင်းကောင်းလေး အိမ်မှာချက်စားကြမယ်နော် ဒန်ပေါက်ဆို မလေးရှားဒန်ပေါက် အိန္ဒိယဒန်ပေါက်တွေထက်စာရင် မြန်မာဒန်ပေါက်အနံ့အရသာကိုပဲ အကြိုက်ဆုံးပါရှင် ဒီနည်းလေးက ဆိုင်ချက်လေးနဲ့တူပြီး မွှေးပြီးအရမ်းစားလို့ကောင်းပါတယ် အီလဲမအီဘူးပေါ့နော် ဒန်ပေါက်ချက်ရင် ကြက်သားကိုကျက်အောင်ချက်ပြီးမှ ထမင်းနဲ့ပေါင်းလိုက်တာလဲရှိတယ် တစ်ချို့ကြ ၅ မိနစ်လောက်ဒယ်အိုးပေါ်မှာချက်ပြီးမှ ထမင်းနဲ့ပေါင်းတာမျိုးလဲရှိတယ်ပေါ့နော် Em အခုချက်ပြတဲ့နည်းက ကြက်သားအစိမ်းနှပ်ထားတာကို ထမင်းနဲ့တစ်ခါထဲထည့်ပေါင်းတဲ့နည်းလေးပါရှင် မီးဖိုပေါ်မှာ ကြက်သားအစိမ်းနှပ်ထားတာနဲ့တစ်ခါထဲချက်တာဆိုတော့ ဖြစ်တတ်တာလေးတွေက ကြက်သားက အိုးအောက်ခြေမှာ ကပ်သွားပြီး အောက်ပိုင်းတွေတူးသွားတာ ဒါမှမဟုတ်ရင် ကြက်သားက အတွင်းပိုင်းမကျက်တာမျိုးပေါ့နော်. တူးတာကိုသက်သာအောင် Em က Heat Diffuser လေးခံပြီးပေါင်းပါတယ် အိန္ဒိယချက်နည်းတွေမှာလဲ Tawa ဆိုတဲ့ အိုးနဲ့မီးဖိုကြားမှာခံတာလေးကို သုံးကြပါတယ်ရှင် ဒါလေးမရှိဘူးဆိုရင် အိမ်မှာရှိတဲ့ Cast Iron Pan (or) Heavy Iron Pan တွေကိုလဲ ခံပြီးသုံးလို့ရပါတယ်နော် Non Stick အိုးကိုတော့သုံးဖို့မသင့်တော်ပါဘူးရှင် ကြက်သားလေးကို သေချာကျက်နေအောင် ကြက်ကိုအကောင်သေးတာလေးသုံးပေးပါနော် ကြက်သားကို ဓါးလေးနဲ့မွှန်းပြီးမှ အရသာနှပ်တာဖြစ်ဖြစ် ကြက်သားကို အတုံးနည်းနည်းသေးအောင်တုံးတာဖြစ်ဖြစ်လဲ လုပ်လို့ရပါတယ်ရှင် ချက်လို့ရတဲ့နည်းလေးတွေက - ၁. ဒန်ပေါက်အိုးကို မီးဖိုပေါ်တိုက်ရိုက်တင်ပြီး Medium High Heat နဲ့ ၅ မိနစ်တည်ပြီးရင် Heat Diffuser/Tawa ခံပြီး Low Heat နဲ့ ၄၅ မိနစ်ပေါင်းပါနော်။ ၄၅ မိနစ်ပြည့်ရင် မီးပိတ်ပြီး အိုးကိုတန်းမဖွင့်ဘဲ ၁၅ မိနစ်ထားပြီးမှ အိုးအဖုံးကိုဖွင့်ပါရှင်။ ၂. ဒန်အိုးထဲ ငှက်ပျောရွက်ခံပြီးချက်တဲ့နည်းဆိုရင် အိုးထဲကိုငှက်ပျောရွက်ထည့်၊ ဆီထည့်ပြီးမှ ကြက်သားစထည့်ပါနော် ကျန်တာတူတူပါပဲရှင် ၃. Pressure Cooker သုံးမယ်ဆိုရင်လဲ Medium High Heat နဲ့ ၅ မိနစ်တည်ပြီးရင် Low Heat ကိုပြောင်းပြီး မိနစ် ၃၀ လောက်တည်ပြီးရင် မီးပိတ်ပြီး ၁၅ မိနစ်ထားပြီးမှ အဖုံးဖွင့်ပါနော် ၄. Oven သုံးမယ်ဆိုရင် အပေါ်မီးအောက်မီးပါတဲ့ oven ဆို 175’C နဲ့ ၆၀ မိနစ်ချက်ပေးပြီး မီးပိတ်ပြီး ၁၅ မိနစ်ထားပြီးမှ ထုတ်ပါနော် Fan setting ရှိတဲ့ oven ဆိုရင်တော့ 160’C နဲ့ချက်ပေးပါရှင် အချိန်ကတူတူပါပဲနော် Oven နဲ့ဆိုရင် ဂျုံနယ်စရာမလိုပါဘူးရှင် Aluminum Foil ကိုနှစ်ထပ်လောက်အုပ်ပြီး အဖုံးဖုံးလိုက်ရင် ရပါပြီနော် ပါဝင်ပစ္စည်းများ (၆ ယောက်စာ) ကြက်သားအရသာနှပ်ရန် - ကြက်ပေါင် - ၆ တုံး ဆား - လက်ဖက်စားဇွန်း ၂ - ၂ဇွန်းခွဲ အချိုမှုန့် - လက်ဖက်စားဇွန်း ၁ ဇွန်း ကြက်သားမှုန့် - လက်ဖက်စားဇွန်း ၂ ဇွန်း နနွင်းမှုန့် - အနည်းငယ် မဆလာ - ထမင်းစားဇွန်း ၂ ဇွန်း (ဒန်ပေါက်မဆလာ (သို့) ရိုးရိုးမဆလာသုံးလို့ရပါတယ်ရှင်) ငရုတ်သီးအစိမ်းမှုန့် - ထမင်းစားဇွန်း ၃ - ၅ ဇွန်း ဒိန်ချဥ် - ထမင်းစားဇွန်း ၅ ဇွန်း Ghee ထောပတ် - ထမင်းစားဇွန်း ၃ ဇွန်း ကြက်သွန်နီကြော် - ထမင်းစားဇွန်း ၁၀ ဇွန်း ကြက်သွန်ဖြူ - ၁ ဥ ဂျင်း - လက် ၂ ဆစ် နံနံပင် - အနည်းငယ် ပူစီန့ - အနည်းငယ် ထမင်းချက်ရန် - ဆန် - ထမင်းပေါင်းအိုး ဆန်ချိန်ခွက် ၄ လုံး ဆား - ထမင်းစားဇွန်း ၁ ဇွန်း သကြား - လက်ဖက်စားဇွန်း ၁ ဇွန်း ဇီယာစေ့ (Cumin Seeds) - လက်ဖက်စားဇွန်း ၁ ဇွန်း ဖာလာ (Cardamom) - ၂ စေ့ လေးညှင်း (Cloves) - ၂ ပွင့် ကရဝေးရွက် (Bay Leaves) - ၂ ရွက် သစ်ချပိုးခေါက် (Cinnamon Stick) - ၁ ချောင်း Ghee ထောပတ် - ထမင်းစားဇွန်း ၂ ဇွန်း ကြက်သွန်ကြော်အရသာထည့်ရန် - ကြက်သွန်ကြော် - ထမင်းစားဇွန်း ၅ ဇွန်း ကြက်သားမှုန့် - လက်ဖက်စားဇွန်း ၁ ဇွန်း သကြား - လက်ဖက်စားဇွန်း ၁ ဇွန်း မဆလာ - လက်ဖက်စားဇွန်း ၁ ဇွန်း ဒန်ပေါက်အရောင်- လိမ္မော်ရောင် Food Coloring/Saffron/နနွင်းမှုန့် - လက်ဖက်စားဇွန်းဝက် နွားနို့ (သို့) နို့စိမ်း - ထမင်းစားဇွန်း ၄ ဇွန်း