PETR YAN — MERAB DVALISHVILI 3: ADOVAT, KAMAR VA MILLIONLAR

24-oktabr kuni Ar-Riyodda UFC’ning navbatdagi katta turniri bo‘lib o‘tadi. Ammo bu kechada oddiy chempionlik jangi emas, so‘nggi yillarda eng qiziqarli tarixlardan biriga aylangan qarama-qarshilikning hal qiluvchi uchinchi qismi bizni kutmoqda. Petr Yan — Merab Dvalishvili. Birinchi jangda Merab Petrni deyarli nafas oldirmadi. Ikkinchi jangda esa Yan mutlaqo boshqa jangchi bo‘lib qaytdi va gruziyalikning eng kuchli qurollarini o‘ziga qarshi ishlata oldi. Endi hisob — 1:1. Demak, uchinchi jang shunchaki kamar uchun emas. Bu yerda shaxsiy adovat bor. Sport merosi bor. Millionlab dollar bor. Eng muhimi esa — bu ikki jangchidan qaysi biri tarixda ikkinchisidan balandroq turishini aniqlab beradigan 25 daqiqa bor. Bugun Petr Yan va Merab Dvalishvili o‘rtasidagi qarama-qarshilik qanday qilib oddiy sport raqobatidan katta MMA fenomeniga aylanganini, uchinchi jangda qaysi texnik detallar hal qiluvchi bo‘lishini va nega bu bahsda chempionlik kamaridan ham ko‘proq narsa tikilganini ko‘rib chiqamiz.