Khit Thit Afternoon News | 21 September 2026

Khit Thit သတင်းဌာန၏ စက်တင်ဘာ ၂၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၂၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -စစ်တွေ-ပုဏ္ဏားကျွန်းမြိုအစပ်တိုက်ပွဲတွေမှာ ဖမ်းဆီးရရှိခဲ့တဲ့ စစ်သုံ့ပန်းတွေရဲ့ထွက်ဆိုချက်အရ ရခိုင်မှာ စစ်တပ်က အမျိုးသမီး၊ ကလေးသူငယ်တွေ အပါအဝင် အမြစ်ပါမကျန် လူမျိုးတုန်းသတ်ဖြတ်ဖို့ အမိန့်ပေးထားတယ်လို့ စစ်သုံ့ပန်းတွေ ဝန်ခံထားတယ်လို့ AA က ထုတ်ပြန်ထားပါတယ်။ အမျိုးသားညီညွတ်ရေးအစိုးရနဲ့ ကြားကာလဖက်ဒရယ်ယူနစ် အစိုးရအဖွဲ့တို့ ပူးပေါင်းပြီး Mi-17 စစ်ရဟတ်ယာဉ်ကို တိုက်ခိုက်ဖျက်ဆီးနိုင်ခဲ့တဲ့ ပေါက်မြို့နယ် ပကဖ ဒရုန်းတပ်ဖွဲ့တာဝန်ခံ ရဲဘော် ကိုချမ်း ဦးဆောင်တဲ့ ရဲဘော် (၇) ဦးကို ဂုဏ်ပြုဆုငွေကျပ် သိန်း ၁ သောင်း ချီးမြှင့်ခဲ့တယ်လို့ သိရပါတယ်။ ပဲခူးတိုင်း၊ ပြည်မြို့နယ်၊ ဝက်ထီးကန်နယ်မြေအတွင်း ၁၀ ရက်တာကာလအတွင်း စစ်ကောင်စီ သတင်းပေးနဲ့ အုပ်ချုပ်ရေးမှူးတို့ ဆက်တိုက် ပစ်ခတ်ရှင်းလင်းခံရပြီးနောက် အုပ်ချုပ်ရေးမှူးတွေ နေရာပြောင်းရွှေ့ပြီး ထွက်ပြေးတိမ်းရှောင်လျက်ရှိတယ်လို့ ဒေသပြည်သူတွေက ရန်ကုန်ခေတ်သစ်ကို ပြောပါတယ်။ အမေရိကန်နဲ့ တရုတ်နိုင်ငံတို့ရဲ့ အဆင့်မြင့် စီးပွားရေးတာဝန်ရှိသူတွေဟာ နယူးယောက်မြို့မှာ ဆွေးနွေးပွဲတွေ စတင်ပြုလုပ်နေပြီး ကုန်သွယ်ရေး၊ ဉာဏ်ရည်တု (AI) နဲ့ အရေးပါတဲ့ သတ္တုတွေအရေး ဆွေးနွေးသွားမယ့် သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။