Тікелей эфирде өзін "20 жылдан бері террористпін" деп таныстырған келіншек енді сотталады

Атырауда тікелей эфирде өзін "20 жылдан бері террористпін" деп таныстырған келіншектің ісі сотқа жолданды. 38 және 39 жастағы тұрғындардың үстінен үш бірдей әкімшілік іс қозғалған. Олар әлеуметтік желі арқылы Ұлттық қауіпсіздік комитетінің атына кір келтіретін сөздер айтқаны үшін де жауапқа тартылатын болады. Полиция дерегінше, оларға қатысты "ұсақ бұзақылық", "құқыққа қайшы контент тарату", сондай-ақ "қоғамдық орындарда адамның жеке басын анықтауға кедергі келтіретін киім кию" баптары бойынша хаттамалар толтырылды. Және заң бұзған әйелдермен теологтар профилактикалық түсіндіру жұмыстарын жүргізген. ӘДІЛБЕК ҚОЗЫБЕКОВ, Атырау облысы полиция департаменті басқармасының бастығы Кездесу барысында оларға заң талаптары, қоғамдық тәртіп нормалары және осындай құқық бұзушылықтарға жол бермеу қажеттігі түсіндірілді. Полиция департаменті әлеуметтік желілер заң талаптары қолданылмайтын орта емес екенін ескертеді. Тікелей эфир кезінде де жасалған кез келген құқыққа қайшы әрекетке заң аясында тиісті баға беріліп, кінәлі тұлғалар қолданыстағы заңнамаға сәйкес жауапкершілікке тартылады. #Информбюро #31арна #БастыЖаңалықтар #Новости #31канал