ગરબો જામ્યો રે - ઉષ્મા બેન ( ગરબો નીચે લખ્યો છે) નવરાત્રી - ૨૦૨૨

ગરબો જામ્યો રે ગબ્બર વાળી અંબા ને દરબાર અંબા માવડી રે ગરબે રમતા જાંજર નો જણકાર ડુંગરા ડોલ્યા રે તાલી ના તાલે ડોલ્યાં દસ દિગપાલ રમજો રમજો રે માવલડી તમે રમજો માજમ રાત ગરબો જામ્યો રે ગબ્બર વાળી અંબા ને દરબાર.... ગરબો જામ્યો રે ચુવાળ વાળી બહુચર ને દરબાર બહુચર માવડી રે ગરબે રમતા જાંજર નો ઝણકાર કુકડા બોલ્યા રે કૂકડે કૂક નાવડી ના છડીદાર રમજો રમજો રે માવલડી તમે રમજો માજમ રાત ગરબો જામ્યો રે ચૂવાળ વાળી બહુચર ને દરબાર.... ગરબો જામ્યો રે રાજપરા વાળી ખોડલ ને દરબાર ખોડલ માવડી રે ગરબે રમતા જાંજર નો ઝણકાર કંકુ ઢોળ્યાં રે ખમ્મા ખમ્મા રે કરતા નર ને નાર રમજો રમજો રે માવલડી તમે રમજો માજમ રાત ગરબો જામ્યો રે રાજપરા વાળી ખોડલ ને દરબાર.... ગરબો જામ્યો રે પાવાગઢ વાળી કાળકા ને દરબાર કાળકા માવડી રે ગરબે રમતા જાંજર નો ઝણકાર રંગ માં રોળ્યાં રે ભક્ત જનો ને બોલે જય જયકાર રમજો રમજો રે માવલડી તમે રમજો માજમ રાત ગરબો જામ્યો રે પાવાગઢ વાળી કાળકા ને દરબાર... ગરબો જામ્યો રે દડવા વાળી રાંદલ ને દરબાર રાંદલ માવડી રે ગરબે રમતા જાંજર ને ઝણકાર રાંદલ માવડી રે વેલે ચડી ને પૂરો ભક્તો ની આશ રમજો રમજો રે માવલડી તમે રમજો માજમ રાત ગરબો જામ્યો રે દડવા વાળી રાંદલ ને દરબાર....