🙏 Жәандәрыҧшьаа рыцуҭак имҩаҧыргаз аныҳәара. Моление одного из посёлков села Звандрипш

Аҧсуа жәлар рныҳәарақәа Анцәа еснагь дрызҿлымҳауп. Аҧсуаа ирҳәо ажәақәа Анцәа иҟынӡа инаӡоит. Ҳазшаз Аҧсны лымкаала дахылаҧшуеит. Иара Аҧсынтәыла, егьырҭ адгьылқәа реиҧш, ҭакарла ибылуам. Иахьазы, абар уажәшьҭа мызкы инеиҳаны, адунеи аиҳарак абылра иаҿуп. Агәыхьқәа змоу ауаа атәым ҳәынҭқаррақәа рыҟны амцашыра иахҟьаны рыҧсҭазаара иалҵуеит. Анцәа иџьшьаны, аҳауа иахҟьоу лыҧсаада ҳааиуеит. Аринахысгьы ҳихьчаразы Иҳақәиҭу сиҳәоит. Иацы, ҧхынгәымза 26, Жәандәрыҧшь ақыҭан, аҭыҧантәи ацуҭақәа руак аҟны, имҩаҧысит изаамҭанытәиу ацуныҳәа. Абрахь сара ааҧхьара сыман, саб иашьеиҳаба Гарик Дасаниа сицны, минуҭқәак ҳагханы ҳааит. Аратәи аныҳәаҩ Хьынбеи Цкәыуа иныҳәаҧхьыӡ анҵара сахьӡеит. Аусмҩаҧгатә акы агымкәа имҩаҧысит. Аныҳәарҭа уамакала иҧшӡоуп. Еиқәшәаз зегьы еиқәгәырӷьо аныҳәа иаҧылеит. Урҭ Анцәа Илҧха рымазааит! Шәахәаҧшырц ишәыдызгалоит абраҟа ианҵаз аҭыхымҭа.