«Ақаба процесі» саммиті: терроризм және жасанды интеллект қатері талқыланды

Арнаға тіркел / Подпишись на канал:    / @thesevennews   Астана терроризммен күрес және жасанды интеллект саласындағы қауіпсіздік тақырыбына арналған келіссөздер орталығына айналды. Орталық Азияда алғаш рет Ақаба процесінің саммиті өтіп жатыр. Жиынға әлем елдерінің басшылары қатысуда. Бұл қандай халықаралық бастама? Кездесу алаңы ретінде Қазақстанның таңдалуына не себеп? Астанада Орталық Азия елдері басшыларының қатысуымен Ақаба процесі аясындағы халықаралық саммит өтіп жатыр. Жиынға Қазақстан Президенті Қасым-Жомарт Тоқаев, Иордания королі, Өзбекстан, Тәжікстан, Түрікменстан президенттері, Әзербайжан Ұлттық Мәжілісінің төрайымы, Қырғызстан сыртқы істер министрі қатысты. Кездесудің басты тақырыбы – әлемдік қауіпсіздікке төнген жаңа қатер. Яғни террористік және экстремистік ұйымдардың жасанды интеллектіні теріс мақсатта пайдалануына жол бермеу. Ақаба процесі – мемлекеттер арасында ашық диалог орнатып, қауіпсіздік мәселелерінде ортақ іс-қимылды үйлестіруге арналған алаң. Ақаба процесі – Иордания королі Абдалла II-нің бастамасымен 2015 жылы құрылған халықаралық жоба. Атауы Иорданиядағы Ақаба қаласымен байланысты. Дәл осы шаһарда бастаманың алғашқы кездесуі өткен. Негізгі мақсаты – мемлекеттердің терроризм мен экстремизмге қарсы күрестегі күш-жігерін біріктіру, ақпарат пен тәжірибе алмасу, қысқасы, қауіпсіздік саласындағы ынтымақтастықты нығайту. Саммиттің Астанада өтуі Қазақстанның жаһандық қауіпсіздік мәселелерін талқылайтын халықаралық диалог алаңы ретіндегі маңызын айқындайды. Сарапшылардың айтуынша, жасанды интеллект технологиясының қарқынды дамуы қауіптің жаңа түрлерін көбейтті. Жалған видео мен дауыс жазбаларын жасау, қоғамдық пікірді бұрмалау, цифрлық жүйелерге шабуыл жасау – соның бір парасы. ДИДАР ТЕБАЕВ, САРАПШЫ: Бұл бастаманың әлеуеті зор. Оған тек Таяу Шығыс елдері ғана емес, Еуропа мемлекеттері де қатысты. Бұл – өте өзекті мәселе. Кездесу Орталық Азиядағы қауіпсіздікті қамтамасыз ету бағытында бірлескен күш-жігерді арттыруға тың серпін береді деп сенемін. Сондай-ақ жасанды интеллектіні қолдануға қатысты ортақ саясат қалыптастыруға мүмкіндік береді. Бұл мәселе Орталық Азия үшін де өзекті. Өйткені ақпараттық кеңістіктегі қауіп-қатер мемлекеттік шекарамен шектелмейді. Сондықтан саммит қатысушылары тәжірибе алмасып, заманауи сын-қатерлерге қарсы бірлескен әрекет ету жолдарын талқылап жатыр. --------------------------------------------- Официальный сайт «Седьмого канала» https://tv7.kz/ru/ Instagram:   / tv7_kz   TikTok:   / tv7_kz   Facebook:   / tv7kz   Telegram: https://t.me/tv7_kaz #Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал