聲秀｜八強決賽前夕衝刺排練 暫列三甲學員感謝粉絲網上投票

聲秀｜八強決賽前夕衝刺排練 暫列三甲學員感謝粉絲網上投票 歌唱節目《聲秀》決賽星期日晚就舉行，8位學員 甄敏芳 蕭凱恩 胡子貝 周智敏 林潔心 穎喬 馮熙燮 仲有 柯雨霏 ，連同導師 鍾舒漫 胡鴻鈞 譚耀文 泳兒 呢日一齊喺電視城進行最後綵排。 幾個月嘅賽事一眨眼已經進入尾聲，導師們都好唔捨得大家。阿譚仲話知道學員們好辛苦，但仍然可以面對唔同挑戰，真係好叻。自己亦會邀請學員擔任個唱嘉賓，令大家留下一個好嘅印記。 至於Sherman就話最唔捨得同大家嘅練習時間，即使係已畢業嘅學員，都有繼續同大家聯絡，亦好珍惜呢份關係，希望未來繼續同行。泳兒就認為雖然呢段時間好辛苦，完結後仲一定會失落，因為呢段時間成日見，突然見唔到會唔習慣，不過胡鴻鈞就認為，一件事情結束係另一件事嘅開始，期待學員完賽後可以飛得更高。 決賽前上myTV SUPER重溫《聲秀》比賽歷程 https://www.mytvsuper.com/tc/programm... Emily、Matt、Jenny喺決賽前哨戰「狂撐學員‧狂Loop 純享」活動目前坐穩Top3排名，3位都好感激粉絲們支持。Emily承諾會將大家嘅支持轉為動力，所有關心同祝福都一一收到；Jenny期望自己唔好辜負大家嘅支持，而Matt就希望拎住呢份加持令自己做得更好。 決賽以「廣東歌 代表我」做主題，大家都有向自己嘅導師取經到最後一刻。Ziva同Emily就得到導師完全放手，可以做自己想做嘅風格類型；Michelle就向阿譚取經，學Keep住唱好一個故事，亦多謝佢即使好忙都肯抽時間陪自己練歌，亦希望透過呢個舞台去多謝佢。Bibi就得到劉浩龍幫忙揀歌，挑選兩首可以作以勉勵嘅歌曲，希望大家期待決賽表演。 面臨決賽，大家連飲食都要變得清淡，不過Ryan被爆破戒做咗大家嘅魔鬼，但佢就認為，就算要戒口都唔好戒到盡，有一個平衡點會好好多；Ophelia就話自己敷咗好貴嘅面膜，希望上妝貼服。 《聲秀決賽 終極聲戰》星期日晚 20:00 翡翠台 《聲秀 王者登場》星期日晚 22:15 翡翠台 #聲秀 #甄敏芳 #蕭凱恩 #胡子貝 #周智敏 #林潔心 #穎喬 #馮熙燮 #柯雨霏 #狂撐學員狂Loop 純享 #前哨戰 #鍾舒漫 #胡鴻鈞 #譚耀文 #泳兒 #決賽 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0