الرادود حمزة الزغير الكربلائي ( رقم ٤٠ ) راحة الدارين بالخدمه الحسينيه / مع الكلمات

الرادود حمزة الزغير الكربلائي ( رقم ٤٠ ) قصيدة گعدة المستهل : راحة الدارين بالخدمه الحسينيه لٱهل الصدور الطاهره التحمل نياشين بالخدمه الحسينيه ب ١ هنا يٱهل كثرت ذنوبك و ٱنت متحير بأمرك إخدم بمأتم إمامك لو ردت للرحمه مسلك و ٱنت بالتأبين تخدم تسمع الهاتف يبشرك لو إلك قوة فاكره بنور العقيده منوره و للخدمه عندك مقدره و باللطم وسمت صدرك هاي الوسامات لجهنم تطفيهه و تصير نور بمعجزة برهان الحسين بالخدمه الحسينيه ب ٢ يالذي عندك عقيده ثابته و حره و شريفه و تعلم الميزان حق و كفة ٱعمالك خفيفه ما إلك غير الشفاعه و بيهه آمالك ضعيفه صفي العمل لتخالطه ويه حسين قوي الرابطه أكرم الوادم بالعطه و ما يرد مأیوس ضيفه لليخدم حسين بوب الجنه مفتوحه و هناك غفران الذنب عن المذنببن بالخدمه الحسينيه ب ٣ و الذي بهاي المآتم ينفق بحسب ٱقتداره و غايته خدمة إمامه لا رياسه و لا إماره ويه ريحانة محمد تاجر و ربح التجاره جنه و قصور عاليه و ٱنهار عذب جاريه و حور و قطوف دانيه و لا تفوتك هالبشاره و بالآخره تفوز و بدنياك تتهنه و يخلفلك الله الينصرف واحد بسبعين بالخدمه الحسينيه ب ٤ لا تگول شلون ٱحصل هالسعاده بهالخدامه لعد ريحانة الهادي هاي من الله كرامه و الدليل بهاي فطرس من خدم مهد الإمامه مرغ جناحه بالمهد شملته الرحمه للأبد ردتله جنحانه و صعد للسمه محصل مرامه و بخدمة حسـين فطرس صعد يتباهه و يصيح من مثلي و علَي ردت الجنحين بالخدمه الحسينيه ب ٥ إنتبه يا صاح و ٱسـمع هالبراهين العديده سامع بجبريل لمن نزل هز المهد بيده راد بحسين يتشرف و بمزاياه الحميده بفد معجزه عيسى ٱشتهر و بالمهد من كلم بشر و حسين زاد عليه فخر معجزه أظهر جديده جبريل ناغاه بالنغمه السمائيه و جبريل ترفيعه صدر من طلب تعيين بالخدمه الحسينيه لا يقرأ هذا البيت 👇 ب ٦ شما يريد البشر يوصف هالخدامه الحسينيه ما وصف مثقال ذره من محاسنهه البهيه تعجز الكتاب عنه و اهل الافكار القويه هالخدمه تنطي المجتمع دستور إيمان و ورع و حبهه بضمايرنه انطبع و هاي نعمه دائميه خل عنك اللوم و تمسك بٱبو اليمه تحظه بجواره بالخلد و يگرلك العين بالخدمه الحسينيه لا يقرأ هذا البيت 👇 ب ٧ لو إلك توفيق سامي يوجهك توجيه عالي و تركن العترة الهادي و تنكتب إلهم موالي تحيه و تموت بولاهم و بالتطور لا تبالي وتبذل لٱبو اليمه الجهد و تحمل نياشين السعد و تقتدي بعباس الأسد من تشوق للمعالي ما هاب الاخطار شد عالغانمه بزوده و اللي يريد الغانمه يقدم الچفين بالخدمه الحسينيه للشاعر المرحوم الحاج مهدي الأموي الكربلائي