Қазақстандықтар филиппиндік әйелдерді бала күтуші ретінде жұмысқа жиі ала бастады

Елімізде бала күтуші ретінде жұмысқа Филиппин елінің қыз-келіншектерін жалдайтындар көбейіп келеді. Қазір шетелдік әйелдерді ұсынатын агенттіктер де жылдан жылға артып жатыр. Себебі, Қазақстанда бұл қызметке сұраныс жоғары. Шетел асып келетін мигранттардың жалақысы қанша? Отандастырымыз не үшін филиппиндік бала күтушілерді таңдайды? Әріптесім біліп келді. Филиппиндік Сандра Морриланың Қазақстанға келгеніне екі айдан асқан. Нәпақа табу үшін шетел асып келген әйел арнайы агенттікке жүгініп, бірден бала күтуші қызметіне кірісіпті. Қазір бір отбасының екі ұлы мен бір қызына қарайды. Және жалғыз өзі бес қызметті қатар атқарады: бала күтуші, үй жинаушы, аспаз, кір жуушы және ағылшын тілі репетиторы. САНДРА МОРРИЛА, Филиппин Республикасының Азаматы: Қазақстан маған қатты ұнады. Балалары тәрбиелі, үлкендерді құрметтейді. Тілді де тез үйренеді. Қазақстанда жалақы жоғары. 900 доллар төлейді. Үйлері де шағын жинағанға ыңғайлы. Маған жұмысым қатты ұнайды. Қазір әлеуметтік желіде де филиппиндіктердің қызметін ұсынатын жарнамалар көп. Тіпті арнайы сайттарда шетелдік әйелдердің суреті, жасы мен жалақысына қарап таңдауға болады. Қызмет құны 500 мың теңгеден басталады. Осы қызметті ұйымдастыратын агенттік өкілдері филиппиндіктердің артықшылығы көп дейді. Ең бастысы, отбасына қатысты мәселелер іште қалады дейді. ӘЛИЯ МАУТОВА, агенттік директоры Бізде қазір 200-дей бала күтуші филиппиндік жұмыс істейді. Барлығы елімізге заңды түрде келген. Артықшылығы олар балаларға ағылшын тілін үйрете алады. Одан соң отбасындағы мәселелер қызық емес. Ал ең маңыздысы, филиппиндік қызметшілер өз міндетін жауапкершілікпен атқарады. Яғни керек кезде телефонын көтермей, не жұмысқа келмеу қалу деген болмайды. Оңтүстік-Шығыс Азияда орналасқан Филиппин республикасының халық саны 100 миллионнан асады. Елде жұмыссыздық деңгейі өте жоғары. Айлық та аз. Сондықтан шетел асып, еңбек ететіндері көп. Ал Еңбек және халықты әлеуметтік қорғау министрлігінің өкілдері қазір елімізде қанша филипиндіктің жұмыс істеп жүргені туралы нақты мәлімет жоқ дейді. Бірақ шетелдіктердің заңға сәйкес үй шаруасына жалданып қызмет етуіне болады деп отыр. ШОЛПАН МОЛДАБЕКОВА, ҚР Еңбек және халықты әлеуметтік қорғау министрлігі инспекциясының бас сарапшысы Бұл ретте үй қызметшілері ерекшеліктер бар олармен еңбек шартын жасау кезінде. Мысалы олар нақты бір үй шаруасын жұмыс берушімен еңбек шартын жасаған кезде басқа қызметкерлер сияқты бұйрық шығарылмайды. Ал басқа тұсынан алғанда, олар да басқа қызметкерлер сияқты барлық құқықтарға ие. Атап айтқанда, олар да демалуға, толығымен жалақы алуға құқылы. АБАЙ НҰРЖАНҰЛЫ, Тілші Мамандар желіге хабарландыру салып, клиент іздейтін күмәнді агенттіктердің де көбейіп кеткенін мойындайды. Сол себепті, осы нарықты қатаң бақылау керектігін айтады. Соған қарамастан филиппиндік күтушілер қызметіне соңғы жылдары сұраныс жоғары. Бұл қызметке көбінесе Астана, Алматы және Шымкент қаласының тұрғындары жүгінеді екен. #Информбюро #31арна #БастыЖаңалықтар #Новости #31канал