Chicken Biryani Banane Ka Tarika | Biryani recipe | Homemade biryani recipe...

Aaj maine ghar par bohat hi mazedar Chicken Biryani banayi hai. Ye biryani banana bohat hi easy hai, lekin khane mein iska taste bohat hi lajawab aur delicious lagta hai. Biryani banane ke liye sab se pehle maine ek karahi mein oil liya. Is mein maine kuch kharay masalay add kiye, jaise curry patta, darcheeni, bari elaichi aur zeera. In masalon ko halka sa fry karne ke baad maine is mein bareek kate hue piyaz add kiye. Jab bhi hum kharay masalay oil mein add karein to oil ka temperature bohat zyada high nahi hona chahiye, warna masalay jal sakte hain. Piyaz ko achi tarah golden brown hone tak fry karein. Jab piyaz golden brown ho jaye to is mein chicken add karein aur chicken ko achi tarah fry karein. Chicken fry hone ke baad is mein adrak lehsan ka paste add karein aur paste ko achi tarah bhun lein. Ab is mein hari mirchein aur side se kate hue tamatar add karein. Tamatar ko achi tarah bhunne ke baad basic spices add karein. Is mein khushk dhaniya powder, lal mirch, haldi, namak aur garam masala add karke sab masalon ko achi tarah bhun lein. Is ke baad is mein imli ka pani aur dahi add karein aur dobara achi tarah bhunai karein. Aakhir mein biryani masala add karein. Agar biryani masala last mein add kiya jaye to chicken ka taste aur color bohat achha aur khila khila rehta hai aur biryani aur bhi zyada tasty banti hai. Doosri taraf maine chawal bhi boil hone ke liye rakh diye thay. Maine chawal ek ghanta pehle bhigo kar rakhe thay. Pani ko achi tarah boil karne ke baad is mein kuch kharay masalay, darcheeni, namak aur oil add kiya. Chawal boil karte waqt oil zaroor add karein, is se chawal bohat zyada khile khile aur alag alag bante hain. Namak aap chawalon ki quantity ke hisaab se add karein. Jab chawal ek kani reh jayein to chawal chhan kar nikal lein. Ab hamara chicken bhi bilkul ready hai. Chicken ke upar boiled chawal ki layer lagayenge. Is ke upar kate hue tamatar, hara dhaniya, garam masala aur food color add karenge. Ab biryani ko 15 se 20 minutes ke liye halki aanch par dum par rakh denge. Chawal mein ek kani rakhna bohat zaroori hai, kyun ke jo chawal thore se kacche reh jate hain woh dum par achi tarah gal kar perfect ho jate hain. To hamari bohat hi mazedar, khushbudaar aur delicious Chicken Biryani bilkul ready hai. Agar aapko meri video achi lagi ho to video ko Like aur Share karna bilkul mat bhooliyega. Aur agar aap mere channel par naye hain to channel ko Subscribe zaroor karein. Umeed hai aapko meri Chicken Biryani ki recipe pasand aayegi. Aap bhi is easy aur tasty recipe ko ghar par zaroor try karein. #ChickenBiryani #ChickenBiryaniRecipe #BiryaniRecipe #ChickenRecipe #EasyBiryaniRecipe #PakistaniBiryani #HomemadeBiryani #BiryaniBananeKaTarika #EasyChickenRecipe #TastyBiryani