Khit Thit Afternoon News | June 11, 2026

Khit Thit သတင်းဌာန၏ ဇွန် ၁၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -အကြမ်းဖက် မင်းအောင်လှိုင်ရဲ့ စက်သုံးဆီချွေတာရေး စီမံချက်ကြောင့် ပြည်သူတွေ ဒုက္ခရောက်နေရတဲ့ စုံ/မ ရက်အလိုက် ကားမောင်းနှင်နေရတဲ့ စနစ် ကို ပယ်ဖျက်ပေးဖို့ ကြံဖွတ်ပါတီနဲ့ အမတ်တွေက တောင်းဆိုတာကို မင်းအောင်လှိုင်က သဘောမတူပဲ ပယ်ချလိုက်တယ်လို့ နေပြည်တော် စစ်တပ်သတင်း ရင်းမြစ်က ပြောထားသလို ၊ ကြံ့ဖွတ်ပါတီသတင်းရင်းမြစ်ကလည်း အတည်ပြုပြောထားပါတယ်။ ပဲခူးတိုင်း၊ ပြည်မြို့နယ်အတွင်း ပေါ်တာဆွဲ ဖမ်းဆီးမှုတွေနဲ့ စစ်မှုထမ်း‌ ခေါ်ဆောင်မှုတွေ တင်းတင်း ကျပ်ကျပ် လုပ်မှာဖြစ်တဲ့အတွက် ကျေးရွာ ရပ်ကွက်တွေက လူငယ်တွေ ပြောင်းရွှေ့တာတွေ မလုပ်အောင် အုပ်ချုပ်ရေးမှုးတွေကို မြို့နယ်ထွေအုပ်နဲ့ ရဲမှုးတွေက ခေါ်ယူ သတိပေးခဲ့တယ်လို့ အုပ်ချုပ်ရေးမှုး သတင်းရင်းမြစ်က ရန်ကုန်ခေတ်သစ်ကို ပြောပါတယ်။ မြန်မာနိုင်ငံမှာ အမေရိကန် သံတမန်တစ်ဦး သေဆုံးမှုကို မြန်မာ ရဲတပ်ဖွဲ့က လူသတ်မှုဖြစ်နိုင်ခြေရှိ တယ်လို့ သတ်မှတ်ပြီး စုံစမ်းစစ်ဆေးမှုတွေ လုပ်နေသလို ၊ ထိုင်းအမျိုးသမီး ၁ ဦးကိုလည်း သံသယ နဲ့ ဖမ်းဆီးထားတယ်လို့ ရန်ကုန်မြို့မှာရှိတဲ့ သံတမန် အသိုင်းအဝိုင်းရဲ့ပြောဆိုချက်ကို AP သတင်းဌာက ဖော်ပြထားပါတယ်။ အမေရိကန်စစ်တပ်က အီရန်နိုင်ငံမှာရှိတဲ့ ပစ်မှတ်အများအပြားကို လေကြောင်းတိုက်ခိုက်မှုစစ်ဆင်ရေး တွေ လုပ်ဆောင်ခဲ့တယ်လို့ ဇွန်လ ၁၀ ရက်နေ့ဖြစ်တဲ့ မနေ့ ညပိုင်းမှာပဲ အမေရိကန်ဘက်က ထုတ်ပြန် လာတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။