Մեր երգերը Հասմիկ Բաղրամյանի հետ - Սուրբ ծննդյան ավետիսներ (մաս 2)

«Մեր երգերը և մենք» նախաձեռնության նպատակն է տարածել մեր մաքրամաքուր ժողովրդական երաժշտությունը։ Նախաձեռնության կողմից յուրաքանչյուր ամիս կազմակերպվում են ազգային երգերի բաց դասեր։ Մեր այս հանդիպումը հեքիաթով ու հրաշքով լի՜ էր։ Երգում էինք ավետիսներ, զրուցում ավանդական Ամանորի և Սուրբ ծննդյան խորհրդի, ծեսերի մասին։ Մեր հյուրն էր «Տոնացույց» ավանդական տոների և կենցաղային ծեսերի թանգարանի (  / festivalshouse  ) նախագահ, ազգագրագետ Հասմիկ Բաղրամյանը։ Բառերը՝ Վերին Տաճար, նոր շինեցին Վըր շինեցին, թամամեցին Սուն ու գերան պակսեցուցին Իմալ էնին, շիվարեցին. Մելքոն, Ղազար, Տեր Բաղդասար, Ավետիս, Վերցին գացին սարով ձորով, Ավետիս Գացին հասան չամչա մերին, Ավետիս Գացին հասան Խառ Խնկենին, Ավետիս. Առաջին կացինն որ զարգեցին, Ավետիս Ծառն օրորաց ճղեն երաց ,Ավետիս, Ուրագ տվին, սղոց քաշին, Ավետիս, Ծառը ճչաց, արյուն բխաց, Ավետիս։ ԾԱՌ ՄԻ ԿԱՆՉԵՐ Ծառ մի կանչեր, ծառ մի կանչեր, Ավետիս, Նը սունիմ, նը գերանիմ, Ավետիս, Ես Քրիստոսի խաչափայտն եմ, Ավետիս։ ԿՏՐԵՑԻՆ,ԹԱՄԱՄԵՑԻՆ Կտրեցին, թամամեցին, Ավետիս Ծառ Խնկենին չթնդեցին, Ավետիս Ծառ Խնկենին պառկեցրեցին, Ավետիս Ծեր առին բարձին սելին, Ավետիս Քառսուն գոմեշ, քառսուն մոզի, Ավետիս Հա քաշեցին, քաշքշեցին, Ավետիս Ծառը տեղից չշարժեցին, Ավետիս Իմալ էնին, շիվարեցին, Ավետիս: ԷԿԵՔ ԿԱՆՉԵՆՔ Էկեք կանչենք Սերամ Սգամ ցլերին, Սերամ գնաց Սգամ չգնաց, Սգամ չգնաց խետ Սերամին, Սերամ իր ծունկ զարգեց գետին: ԴԵ ԳՆԱՑԵՔ... Դե գնացեք Ուրֆա քաղաք. Ավետիս Գացեք բերեք պառվու մոզին, Ավետիս Կուզե հարյուր, կտանք հազար, Ավետիս Թուխ աչերու խաթեր համար, Ավետիս Բերին լծին խետ Սերամին, Ավետիս Սերամ գնաց հետ մոզիկին, Ավետիս: ԱՌՉԻՆ ՂԱՄՉԻՆ Առչին ղամչին որ զարգեցին, Ավետիս Սև ու սպիտակ ծովն անցուցին, Ավետիս Միջին ղամչին որ զարգեցին, Ավետիս Ասիս Մասիս սարն անցուցին, Ավետիս Հետին ղամչին որ զարգեցին, Ավետիս Կաթնիկ աղբյուր ջուր խմցուցին. Ավետիս Դուռ տաճարին կանգնեցին, Ավետիս Պարոն, տիկնայք ուրխցուցին, Ավետիս Դուռ տաճարին կանգնեցուցին, Ավետիս Վերին Տաճար նոր շինեցին, Ավետիս: «Մեր երգերը և մենք» նախաձեռնության ֆեյսբուքյան էջը՝   / hayerg