ജോണിക്കുട്ടിയുടെ ബുള്ളറ്റിനു പിന്നിൽ നിന്നും ജെസ്സി ഇറങ്ങുന്നത് കണ്ടതും അന്നക്കുട്ടിയുടെ മുഖമിരുണ്ടു

താനുമായി കൂട്ടിയിടിച്ചയാളെ കണ്ട് ത്രേസ്യാമ്മ കണ്ണുകൾ വിടർത്തി നോക്കി. "ജെസ്സിക്കൊച്ചേ ഇത് നീ തന്നെയാണോ? " ത്രേസ്സ്യാമ്മയുടെ അമ്പരന്ന നോട്ടം കണ്ടു ആ പെൺകുട്ടി അവരെ കെട്ടിപ്പിടിച്ചു. "ത്രേസ്സ്യമ്മച്ചീ " കണ്ണുനീർ കൊണ്ട് തന്റെ തോൾ നനയുന്നതറിഞ്ഞു ത്രേസ്യാമ്മ അവളുടെ മുഖം പിടിച്ചുയർത്തി.. "എന്നാ പറ്റി കൊച്ചേ. എന്തിനാ കരയുന്നത്? എന്നതേലും പ്രശ്നം ഒണ്ടോ " അവർ പരിഭ്രമത്തോടെ ചോദിച്ചു. "ഈ കുട്ടിയെ നിങ്ങൾക്ക് പരിചയം ഉണ്ടോ ?" അവിടേക്ക് വന്ന വൈദ്യർ ത്രേസ്സയാമ്മയോടായി ചോദിച്ചു അവർ അറിയാമെന്നു തലകുലുക്കി. വൈദ്യർ അത്ഭുതം കൂറുന്ന കണ്ണുകളുമായി ഒരുനിമിഷം അവരെ നോക്കിനിന്നു. പിന്നീട് മുകളിലേക്ക് കണ്ണുകളുയർത്തി. "ദൈവം വലിയവനാണ്..അല്ലെങ്കിൽ ഈ സമയത്ത് തന്നെ നിങ്ങളെ ഇവിടെയെത്തിക്കില്ല " വൈദ്യർ ആശ്വാസത്തോടെയും നന്ദിയോടെയും നോക്കുന്നത്കണ്ട് ത്രേസ്സ്യമ്മ വൈദ്യരെയും ജെസ്സിയെയും മാറിമാറി നോക്കി. "നോക്കണ്ട. എല്ലാം പറയാം.. എനിക്ക് നിങ്ങളുടെ സഹായം ആവശ്യമുണ്ട്. കൂടെയുണ്ടായിരുന്ന ആ പയ്യനെവിടെ?" വൈദ്യർ ജോണിക്കുട്ടിയെയാണ് ഉദ്ദേശിച്ചതെന്ന് അവർക്ക് മനസിലായി  "അവൻ വീട്ടിലേക്ക് പോയി" "ഓഹ്.. വരുമ്പോൾ എന്നെ വന്നൊന്നു കാണാൻ പറയു." " കുട്ടീ, ആ മരുന്ന് വടക്കേ മുറിയിലേക്ക് കൊടുത്തോളൂ. വൈകിക്കണ്ട. ഇപ്പോൾത്തന്നെ ഒരുപാട് വൈകി. " വൈദ്യർ ജെസ്സിയോടായി പറഞ്ഞു അവൾ തലകുലുക്കിയ ശേഷം ത്രേസ്സ്യാമ്മയോട് അനുവാദം ചോദിക്കുന്ന പോലെ നോക്കി . ത്രേസ്യാമ്മ പോകാൻ അനുവാദം നൽകി.. ജെസ്സി നടന്നു നീങ്ങിയതും അവർ വൈദ്യരെ നോക്കി. "വരൂ. പറയാം " വൈദ്യർ രോഗീപരിശോധന മുറിയുടെ നേർക്ക് നടന്നു. ത്രേസ്യാമ്മ പിന്നാലെയും  ത്രേസ്യാമ്മ വൈദ്യർക്ക് മുന്നിലുള്ള കസേരയിൽ ഇരുന്നു "ആ കൊച്ചിന്റെ കാര്യം വല്യ കഷ്ടത്തിലാ. അറിയാല്ലോ " വൈദ്യർ തുടക്കമിട്ടു "ഞാൻ അവരെ കണ്ടിട്ട് രണ്ട് വർഷം കഴിഞ്ഞു. ആ നാടുപേക്ഷിച്ചു പോന്നതിൽ പിന്നെ അങ്ങോട്ട് പോയിട്ടേ ഇല്ല. അതുകൊണ്ട് ഇപ്പോഴത്തെ കാര്യമൊന്നും അറിയില്ല." ത്രേസ്യാമ്മ മറുപടി പറഞ്ഞു "ആ കുട്ടി ആരാണെന്നോ എന്താണെന്നോ എനിക്ക് അറിയില്ല. അവള് പറഞ്ഞത് വെച്ചു നോക്കുമ്പോൾ ഭർത്താവ് ഉപേക്ഷിച്ചു പോയതാ. കുട്ടികളില്ലാത്തതിന് ചികിത്സയ്ക്ക് വന്നതായിരുന്നു രണ്ടുപേരും. അതിനെ ഇവിടെ ഉപേക്ഷിച്ചു പോകാൻ വന്നതാണെന്ന് അറിയില്ലായിരുന്നു. ആരും തുണയില്ലാതെ നിന്ന് കരയുന്നത് കണ്ടപ്പോൾ ഇവിടെ നിന്നോളാൻ പറഞ്ഞതാ. അന്വേഷിച്ച് വന്നപ്പോൾ ഒരു സഹോദരൻ അമേരിക്കയിലുണ്ട്. അവനെ വിവരം അറിയിച്ചപ്പോൾ തല്ക്കാലം ഇവിടെ നിർത്ത് അടുത്ത ലീവിന് കൂട്ടിക്കൊണ്ട് പോകാമെന്നു പറഞ്ഞു. അവൻ ഉടനെ വരും.  ജെസ്സി അന്നക്കുട്ടിയുടെ മുന്നിൽ എത്തിയാൽ എന്താകും അവസ്ഥ? ജെസ്സിയുടെ ഉദ്ദേശം എന്താകും? തുടർന്നു വായിക്കൂ.... #story #stories #storyworld #malayalamstories #devilsqueen #theerthusstoryworld #storybook #storytellingchannel #trendingstory #familystory