ગુજરાતી ફેમિલીને પહેલી મુદ્દતમાં જ ડિપોર્ટેશન ઓર્ડર આપી દેવાયો

2023માં મેક્સિકોવાળી બોર્ડર ક્રોસ કરીને ઈલીગલી અમેરિકા પહોંચેલી એક ગુજરાતી ફેમિલીને અસાયલમના કેસની પહેલી જ મુદ્દતમાં ડિપોર્ટેશન ઓર્ડર આપી દેવામાં આવ્યો છે. આ ફેમિલીનો કેસ શિકાગોની ઈમિગ્રેશન કોર્ટમાં ચાલતો હતો અને તેની પહેલી જ મુદ્દતમાં તેના ત્રણેય મેમ્બર્સ કોર્ટમાં ગેરહાજર રહેતા બીજી મુદ્દત આપવાને બદલે કોર્ટે તેમની ગેરહાજરીમાં જ ફાઈનલ રિમૂવલ ઓર્ડર ઈશ્યૂ કરી દીધો હતો. જોકે, અમેરિકામાં અસાયલમનો કેસ લડવાનું પડતું મૂકી આ ફેમિલી ગયા વર્ષે જ ઈન્ડિયા પાછું આવી ગયું હતું, પરંતુ તેમનો કેસ કોર્ટમાં ચાલુ જ હતો. આ બાબત એ પણ દર્શાવે છે કે હવે ઈમિગ્રેશન કોર્ટમાં ગેરહાજર રહેવું કે પછી ICEમાં હાજરી પૂરાવવા ના જવું કેટલું ભારે પડી શકે છે.