علاش خاصك تسدي فمك وتسكتِي على اهدافك و احلامك إلا فعلا بغيتي تنجحي فحياتك؟

واش عمرك قلتي لشي حد على واحد الحلم ولا الهدف اللي باغية تحققيه، ومن بعد بمدة لقيتي راسك فقدتي الحماس وما بقيتيش كتخدمي عليه بحال الأول؟ فهاد الحلقة غادي نهضرو على علاش مرات خاصنا نسكتو على الأهداف والخطط ديالنا حتى تولي حقيقة، وشنو كيوقع لينا ملي كنشاركو أحلامنا مع الناس قبل ما نبداو فعلاً نخدمو عليها. غادي نفهمو علاش آراء الناس، حتى الناس اللي كيبغيو لينا الخير، تقدر تأثر علينا بلا ما نحسو، وعلاش التشجيع والكلام على الهدف قبل تحقيقو يقدر يعطينا إحساس مؤقت بالإنجاز ويخلينا نفقدو جزء من التركيز والحماس. وغادي نهضرو حتى على الحسد، ولكن ماشي هو السبب الوحيد ولا الرئيسي، لأن مرات المشكل ماشي فالناس، ولكن فكوننا عطينا للهدف ديالنا جمهور قبل ما نعطيوه المجهود ديالنا. إلا كنتي باغية تبدلي حياتك، تبداي مشروع، تحققي واحد الهدف، تهتمي براسك، تبدلي عاداتك أو تبني مستقبل مختلف، يمكن هاد الحلقة غادي تخليك تفكري بطريقة جديدة فشنو خاصك تقولي وشنو خاصك تخليه بينك وبين راسك. ماشي كل حلم خاصو يتعلن عليه… بعض الأحلام خاصها تكبر فصمت حتى يجي الوقت اللي النتيجة هي اللي تهضر. إلى عجباتك الحلقة، متنسيش الاشتراك فالقناة وتفعيل الجرس ❤️