馬國明 蕭正楠 曹永廉合體赴美國開騷 三子預告推出專屬新團歌

馬國明 蕭正楠 曹永廉合體赴美國開騷 三子預告推出專屬新團歌 馬國明、蕭正楠同曹永廉三位組成男團巡演，呢日一早佢哋就出發遠赴美國LA為開騷做準備。雖然出發時間早，不過無阻三位興奮嘅心情，阿蕭同阿廉就自薦拍攝《飛常日誌III》，不過唔係做機師，係負責掃地。 三子就話呢次準備咗一啲之前冇唱過嘅歌曲俾美國歌迷，不過呢次行程緊張，有時間都只係可以去嘆吓美食，皆因好多演唱會環節需要認真綵排。 三位之前喺佛山開騷大受歡迎，好多粉絲都期望佢哋嘅歌聲可以延續。阿蕭預告，佢哋即將會錄一首新歌，亦意想不到三個人會喺今年開騷兼擁有專屬歌曲。阿廉仲話，可能佢哋會拎埋最佳男組合獎。 今次喺美國開Show對三位嚟講都又新鮮又興奮，佢哋有信心三人加埋嘅力量可以帶到驚喜俾觀眾。雖然呢次美國場冇嘉賓，但三位預告內地場就會有好多嘉賓，仲派晒明顯線索，話係6位同阿蕭有關係嘅女嘉賓，仲要係以整齊團服出現。講到咁，大家估唔估到呢？ #馬國明 #蕭正楠 #曹永廉 #美國 #演唱會 #出發 #巡演 #男團 #新歌 #團歌 #嘉賓 #內地場 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0