Ep 5: ગ્રીન કાર્ડ મળતાં જ અંકિતાએ ઈન્ડિયા જવાની જિદ પકડી, પણ દીકરીને મળ્યા બાદ તે જાણે ગાયબ જ થઈ ગઈ!

અમેરિકામાં સની પટેલ સામે જે કેસ થયો હતો તેમાં તેને વગર કોઈ વાંકે બે વાર નોકરી ગુમાવવી પડી હતી અને 70 દિવસ જેલમાં પણ કાઢવા પડ્યા હતા. આટલું ઓછું હોય તેમ મારિયાએ મારેલા એક લાફાને કારણે ગ્રીન કાર્ડ હોલ્ડર સનીની સિટીઝનશિપ પણ લટકી પડી હતી. આ બધા ઘમાસાણ વચ્ચે અમેરિકામાં આઈટીનો કોર્સ કરીને સની એક સારી જોબ મેળવવામાં સફળ તો થયો હતો, પરંતુ વર્ષ 2000માં અંકિતા સાથે લગ્ન કર્યા બાદ સનીના જીવનમાં અંધાધૂંધીનું બીજું પ્રકરણ શરૂ થવાની તૈયારીમાં હતું. 2001માં તેને ન્યૂયોર્કમાં જે જોબ મળી હતી તેના માટે તે ત્યાં જ શિફ્ટ થવાનો હતો, તેની પાછળનું કારણ એ હતું કે સનીને ન્યૂજર્સી છોડવું હતું, અને અંકિતાના ફાધર અને ભાઈ ન્યૂયોર્કમાં રહેતા હોવાથી તેની પણ અંદરખાને એવી ઈચ્છા હતી કે સની ત્યાં જ સેટ થાય. એક આઈટી કંપનીમાં સારી કહી શકાય તેવી જોબ મળી ગયા બાદ સનીએ ન્યૂયોર્ક જવાની તમામ તૈયારી કરી લીધી હતી, 05 ફેબ્રુઆરી 2001ની આ વાત છે.. નવી જોબ પર સનીનો પહેલો જ દિવસ હતો, સૂટ-બૂટ પહેરીને તે પોતાની ઓફિસ પહોંચ્યો હતો અને ફર્સ્ટ ડેની ફોર્માલિટી પૂરી થયા બાદ તેને વર્ક સ્ટેશન પણ ફાળવી દેવામાં આવ્યું હતું, પરંતુ બપોરના એક વાગ્યાની આસપાસ જ ઓફિસના બે ગાર્ડ્સ સની પાસે આવીને ઉભા રહી ગયા હતા અને તેમની સાથે કંપનીનો એક સિનિયર વ્યક્તિ પણ હતો. તેમને જોઈને સની પણ પોતાની ચેરમાંથી ઉભો થઈ ગયો હતો, પરંતુ ગાર્ડ્સના ચહેરાના હાવભાવ જોઈને પણ તેને સમજાઈ નહોતું રહ્યું કે આખરે આ બધું શું થઈ રહ્યું છે? જુઓ અમારી વેબસાઈટ: https://www.iamgujarat.com/ વધુ વિડીયો જોવા માટે ક્લિક કરો: https://gujarati.timesxp.com/ IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...