謝霆鋒喪父後首現身香港公開活動 內地開騷遇狂迷處變不驚

謝霆鋒喪父後首現身香港公開活動 內地開騷遇狂迷處變不驚 謝霆鋒 日前現身香港一個品牌開幕活動，霆鋒以一身西裝、戴住黑超出場，亦滿臉笑容向現場追星嘅大批粉絲打招呼。 呢次活動亦係謝賢今年七月病逝之後，霆鋒首次現身香港出席公開活動。霆鋒早前雖然經歷喪父之痛，但就冇影響工作，繼續內地巡演。而霆鋒日前喺溫州開騷時，因為表演太過投入而不慎喺台上跌倒，之後仲有現場觀眾向台上錠螢光棒，直接擊中霆鋒大髀。不過佢表現專業，只係望一眼就繼續演出，敬業嘅表現令唔少粉絲既心痛又佩服。 同樣受邀出席開幕禮嘅仲有劉鑾雄一家，大劉撐住拐杖行前，太太甘比就帶住女女緊隨其後。之後霆鋒除低黑超換上普通眼鏡，同老闆楊受成一齊主持開幕禮。 #謝霆鋒 #喪父之痛 #謝賢 #劉鑾雄 #甘比 #內地 #溫州 #演唱會 #狂迷 #處變不驚 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0