🌧️ पहिल्यांदाच उतरलो भाताच्या शेतात | शेतकऱ्यांची मेहनत जवळून पाहिली! 🌾

🌾 पावसातला शेतीचा पहिला अनुभव | तरवा काढणे आणि भात लागवडीची तयारी 🚜🌧️ नमस्कार मित्रांनो! 🙏 आजच्या व्लॉगमध्ये कोणताही लांबचा प्रवास नाही. अनेक दिवसांनी एक वेगळाच अनुभव घेण्याची संधी मिळाली. बरेच दिवस झाले होते, सुचिता आणि आयांश मामाच्या घरी गेले होते. त्यांच्या शेतातील कामं सुरू होती. आमच्या घरापासून त्यांचं घर साधारण ८ किलोमीटरवर असल्यामुळे आज त्यांना भेटून यावं असं ठरवलं. टू-व्हीलर काढली आणि त्यांच्या घरी निघालो. घरी पोहोचलो तर सगळेजण शेतात गेले होते. फक्त आयांश घरी होता. त्याला सोबत घेऊन मी मळ्याकडे निघालो. रस्ता माहीत नसल्यामुळे वाटेत लोकांना विचारत विचारत शेवटी शेतापर्यंत पोहोचलो. मळ्यात पोहोचलो तर इतकं मोठं शेत पाहून क्षणभर कोणालाच शोधता येत नव्हतं. पण थोड्याच वेळात सुचिता दिसली. तेव्हा समजलं की सगळेजण दुसऱ्या मळ्यातून या मळ्यात तरवा काढण्यासाठी आले होते. त्यांच्यासोबत मीही मळ्यात गेलो. तरवा काढण्याचं काम सुरू होतं आणि आयांश तर चिखलात मनसोक्त खेळत होता. त्याची मजा पाहून आम्हालाही खूप आनंद झाला. माझीही भाताची लागवड करण्याची इच्छा होती, पण त्या वेळी तरवा काढण्याचं काम सुरू असल्यामुळे फक्त ते काम जवळून पाहण्याची संधी मिळाली. सुचिताचे आई, बाबा, भाऊ आणि बहीण सगळेजण अतिशय मेहनतीने काम करत होते. थोडा वेळ मळ्यात थांबलो. दरम्यान जोरदार पाऊस आणि सोसाट्याचा वारा सुरू झाला, त्यामुळे मी परत घरी आलो. संध्याकाळी पुन्हा भाताची लागवड सुरू होणार होती. मला कुडाळमध्ये थोडंसं काम असल्यामुळे ते पूर्ण करून घरी आलो, नॅनो घेतली आणि पुन्हा मामाच्या घरी गेलो. तोपर्यंत सगळेजण पुन्हा मळ्यात गेले होते. आयांशला घरी झोपवलं आणि मी व सुचिता दोघंही शेताकडे निघालो. रस्त्यात जोरदार वारा सुरू होता. इतका की काही झाडंही कोसळली होती. मळ्याकडे जाणाऱ्या वाटेवर एक मोठं झाड पडल्यामुळे आम्हाला दुसऱ्या रस्त्याने जावं लागलं. शेतात पोहोचल्यावर सुचिताचा भाऊ ट्रॅक्टरच्या सहाय्याने चिखल तयार करत होता. सकाळी काढलेला तरवा आता त्या चिखलात लावायचा होता. मीही त्यांच्यासोबत थोडी मदत केली. आयुष्यात पहिल्यांदाच भात लागवडीच्या कामात सहभागी होण्याचा अनुभव घेतला आणि खऱ्या अर्थाने शेतकऱ्यांची मेहनत किती मोठी असते याची जाणीव झाली. सुचिताचे आई, बाबा, भाऊ आणि संपूर्ण कुटुंब पावसात, चिखलात अखंड मेहनत करत होतं. त्यांचं काम पाहून मनापासून अभिमान वाटला. हा अनुभव माझ्यासाठी खूप खास आणि अविस्मरणीय ठरला. या दिवसानंतर एक गोष्ट मनाशी पक्की ठरवली — पुढच्या वर्षी आपणही आपल्या घरी भाताची शेती नक्की करायची! 🌾 शेवटी दिवसाची सगळी कामं आटोपून आम्ही सर्वजण आनंदाने घरी परतलो. व्हिडिओ आवडला असेल तर लाईक करा, शेअर करा आणि चॅनलला सबस्क्राईब करायला विसरू नका. पुढच्या व्लॉगमध्ये पुन्हा भेटू. #Konkan #KonkanLife #RiceFarming #PaddyFarming #Bhatsheti #Sheti #FarmingLife #FarmerLife #Monsoon #RainySeason #VillageLife #RuralLife #MarathiVlogger #MarathiVlog #DailyVlog #TravelVlog #Nature #KonkanVibes #Ayansh #KokaniGandhar