BADRIA AFANYA ZIARA YA KUSHTUKIZA BANDARINI, AGUSIA UTARATIBU WA KUSAFIRI NA WATOTO

Usalama wa abiria wanaotumia usafiri wa baharini umeendelea kupewa kipaumbele, huku Serikali ikisisitiza umuhimu wa kuhakikisha safari za baharini zinafanyika katika mazingira salama na kwa kuzingatia taratibu na viwango vinavyotakiwa. Kauli hiyo imetolewa na Naibu Waziri wa Ujenzi na Uchukuzi, Mhe. Badria Atai Masoud, wakati wa ziara ya kushtukiza katika Bandari ya Malindi, Mkoa wa Mjini Magharibi, ambapo amekagua hali ya usalama pamoja na utaratibu wa upakiaji wa abiria. Kwa upande wake, Mkurugenzi Mkuu wa Shirika la Bandari Zanzibar, Akif Ali Khamis, amesema ulinzi wa maisha na usalama wa abiria unapaswa kuwa kipaumbele, huku akisisitiza umuhimu wa kuimarisha maandalizi na huduma katika maeneo ya bandari. Naye Mkurugenzi wa Idara ya Ulinzi na Usalama wa Mamlaka ya Usafiri Baharini Zanzibar (ZMA), Kepten Khamis Taji Khamis, amesema mamlaka hiyo imejipanga kufanya ukaguzi wa dharura katika vyombo mbalimbali vya usafiri baharini, vikubwa na vidogo. Amesema hatua hiyo inalenga kuimarisha usalama wa abiria na kuhakikisha huduma za usafiri baharini zinaendelea kutolewa kwa kuzingatia taratibu na viwango vya usalama. Ukaguzi huo pia unalenga kuimarisha maandalizi ya usalama katika kipindi ambacho Tanzania inatarajia kupata mvua za El Niño, ambapo tahadhari zaidi inahitajika katika shughuli za usafiri wa baharini. #AsamOnlineTV #ZanzibarNews #HabariZanzibar #UsalamaBaharini #ZMA #BandariMalindi #UsafiriBaharini #Abiria #ElNino #Zanzibar #NewsUpdate #Trending