စစ်မှုထမ်းသင်တန်းသားသစ် ပိုမိုစုဆောင်းနိုင်၍ လူငယ်တွေသွားလာတဲ့အခါသတိထားဖို့ မွန်ဒေသခံတွေတိုက်တွန်း

ပုလိန်ကျေးရွာအနီးကတိုက်ပွဲမှာ စစ်တပ်ဘက်က အထိနာခဲ့တဲ့အတွက် လက်နက်ကြီးအပြင် လေယာဉ်နဲ့ပါ အချိန်မရွေး တိုက်ခိုက်လာနိုင်တာကြောင့် ပြည်သူတွေအနေနဲ့ သတိထားနေထိုင်ကြဖို့ မွန်ပြည်သစ်ပါတီ (NMSP-AD) က တိုက်တွန်းပြောဆိုလိုက်ပါတယ်။ သီတင်းကျွတ်ကာလမှာ အထင်ကရဘုရားပွဲတွေကို ဇာတ်ပွဲနဲ့ အဆိုတော်ရှိုးပွဲတွေပါ ထည့်သွင်းပြီး ပြန်လည်ကျင်းပဖို့ စီစဉ်နေကြပေမဲ့ လုံခြုံရေးအခြေအနေကြောင့် သွားလာဖို့အကြောက်တလန့်ဖြစ်နေကြပါတယ်။ တိုက်ပွဲဖြစ်ပွားမှုအရှိန်မြှင့်လာလေ စစ်မှုထမ်းဖို့ သင်တန်းသားသစ်တွေကို ပိုမိုစုဆောင်းနိုင်တဲ့အတွက် လူငယ်တွေအနေနဲ့ သွားလာနေထိုင်တဲ့အခါ သတိထားကြဖို့ မွန်ဒေသခံတွေက တိုက်တွန်းပြောဆိုလိုက်ပါတယ်။