ဆီဆိုင်မှာ စစ်အုပ်စုလက်အောက်ခံ ပအိုဝ်းပြည်သူ့စစ်က မူးယစ်ဆေးသုံးစွဲသူတွေကိုဖမ်းဆီးပြီး ငွေတောင်းခံနေ

ရှမ်းပြည်မြောက်ပိုင်း နောင်ချိုမြို့နယ်မှာ ‘၁၀၂၇’ စစ်ဆင်ရေးတိုက်ပွဲရဲ့ နောက်ဆက်တွဲပြဿနာတွေကြောင့် ပြည်သူလူထုတွေ စီးပွားရေးနဲ့ ပြန်လည်ထူထောင်ရေးအတွက် အခက်အခဲကြုံတွေ့နေရတယ်လို့ ဆိုပါတယ်။ ရှမ်းပြည်တောင်ပိုင်း ဆီဆိုင်မြို့နယ်မှာ စစ်အုပ်စုလက်အောက်ခံ ပအိုဝ်းပြည်သူ့စစ် (PNO) က မူးယစ်ဆေးသုံးစွဲသူတွေကိုဖမ်းဆီးပြီး ငွေတောင်းခံမှုတွေရှိနေတယ်လို့ ဆိုပါတယ်။ ရှမ်းပြည်မြောက်ပိုင်း မိုးမိတ်မြို့အနီးမှာ လက်ရှိအချိန်ထိ စစ်ရေးတင်းမာနေတာကြောင့် စစ်ဘေး‌ရှောင်ပြည်သူတွေ အိမ်မပြန်နိုင်သေးဘဲ စားနပ်ရိက္ခာအတွက် အခက်အခဲကြုံတွေ့နေကြရပါတယ်။