ગુજરાતમાં મકાનોની ડિમાન્ડ તળિયે, છતાંય ભાવ કેમ ઓછા નથી થતાં?

ગુજરાતમાં મકાનોનો સપ્લાય એટલો બધો વધી ગયો છે કે વેચાયા વિનાના પડ્યા રહ્યા હોય તેવા મકાનોની સંખ્યા ખૂબ જ વધી જતાં હવે બિલ્ડર્સ નવા પ્રોજેક્ટ લોન્ચ કરવાનું ટાળી રહ્યા છે. જોકે, નવાઈની વાત એ છે કે મકાનોની ડિમાન્ડ તળિયે પહોંચી હોવા છતાંય બિલ્ડરો ભાવના મામલે ટસના મસ થવા તૈયાર નથી. ભાવોમાં કોઈ ખાસ કરેક્શન ના આવતા હોમ લોન સસ્તી થઈ હોવા છતાંય લોકો મકાન ખરીદવાનું ટાળી રહ્યા છે જેના લીધે ઈન્વેન્ટરી વધી રહી છે. જે પ્રોજેક્ટ પૂરા થઈ ગયા છે કે પછી અંડરકન્સ્ટ્રક્શન છે તેમાં જ મકાનો વેચવામાં ફાંફા પડતા હોવાથી હવે નવો પ્રોજેક્ટ લોન્ચ કરવું વધારે રિસ્કી બની રહ્યું છે. આ જ કારણે નવા લોન્ચ થનારા પ્રોજેક્ટ્સની સંખ્યા સતત ઘટી રહી છે.