Fransa ho Timor-Leste Hametin Kooperasaun Bilaterál Iha Seitór Oioin

DILI, 06 Novembru 2026 – Fransa ho Timor-Leste kontinua hametin relasaun no kooperasaun bilaterál iha seitór oioin, hodi apoia prosesu dezenvolvimentu iha nasaun rua. Asuntu ne’e hato’o hosi Embaixadór Fransa naun-rezidénsia bá Timor-Leste, Fabien Penone, hafoin enkontru ho Primeiru-Ministru (PM), Kay Rala Xanana Gusmão, iha Palásiu Governu, Dili, sesta (06/11). Kooperasaun bilaterál entre nasaun rua involve área defeza no seguransa, kultura, edukasaun universitária, komérsiu no ekonomia.