PM Xanana Partisipa Serimonia Halo'ot Me'ik ho Kro'at Funu 1975 no Inagurasaun Uma Knua Dom Baumeta.

Primeiru-Ministru (PM), Kay Rala Xanana Gusmão partisipa serimónia Halo’ot Me’ik ho Kro’at Funu 1975 no Inaugurasaun Uma Knua Dom Aileu Baumeta iha Suku Liurai, Postu Administrativu Aileu Vila, munisípiu Aileu, sábadu (07/12/2024). Iha diskursu, Primeiru-Ministru, Xanana Gusmão konsidera loron ohin ne’e importante tebtebes iha istória tanba iha fatin ida-ne’e, iha uma lisan Dom Aileu Baumeta, Aileu oan sira halibur-malu hodi halo’ot hikas me’ik no kro’at ho mensajen unidade, estabilidade, armonia no moris iha páz.