Kesava Naamaamrutam song/ Video 670/నీ మధురామృత గానమే — నా మదిన మెదలనీ

Lyrics by Smt Suvarna Lakshmi/ Music generated by AI నీ మధురామృత గానమే — నా మదిన మెదలనీ నీ నిత్యమంగళ రూపమే — నా కనుల కదలనీ నీ పదపద్మములే — పరమగతియై నా జీవనమే సాగనీ నీ తలంపే నా పరమానందమై — ప్రతిక్షణం జీవించనీ వేణువై నా ఊపిరిలో — నీ నామమే పలుకనీ వెన్నెలై నా మనసులో — నీ రూపమే వెలుగనీ ప్రేమయే పూమాలగా — నీ పాదముల చేరనీ జన్మజన్మలకు నా హృదయం — నీ ఆలయమై నిలవనీ జన్మజన్మలకు నా హృదయం — నీ ఆలయమై నిలవనీ కేశవా — సకల జగముల దివ్య స్వరూపా నారాయణా — నరులందరికీ పరమాశ్రయా మాధవా — లోకమాత శ్రీమహాలక్ష్మీ హృదయేశ్వరా గోవిందా — వేదనాదములందు వెలసిన దేవా జన్మజన్మలకు నా హృదయం — నీ ఆలయమై నిలవనీ విష్ణువా — విశ్వమంతట వ్యాపించిన పరమాత్మా మధుసూదనా — మధుదైత్య సంహారా, రాగద్వేష నాశకా త్రివిక్రమా — మూడడుగులతో ముల్లోకములు కొలిచిన త్రిపదుడా వామనా — వినయరూపా, అనంత పుణ్యఫల ప్రదాయకా జన్మజన్మలకు నా హృదయం — నీ ఆలయమై నిలవనీ శ్రీధరా — శ్రీదేవిని హృదయాన ధరించిన శ్రీవేంకటరమణా హృషీకేశా — సకల జీవుల హృదయాధీశా, అంతర్యామీ పద్మనాభా — నాభికమలమున సృష్టిని వికసింపజేసిన అక్షోభ్యా దామోదరా — యశోదమ్మ ప్రేమబంధమున ఒదిగిన బాలకా జన్మజన్మలకు నా హృదయం — నీ ఆలయమై నిలవనీ సంకర్షణా — సకల జీవుల ఆకర్షకా వాసుదేవా — సర్వభూత హృదయస్థితా ప్రద్యుమ్నా — అందరి హృదయాల ప్రేమజ్యోతి వెలిగించు జగన్నాథా అనిరుద్ధా — అడ్డు లేని అనంత శక్తి స్వరూపా జన్మజన్మలకు నా హృదయం — నీ ఆలయమై నిలవనీ పురుషోత్తమా — సర్వ శ్రేష్ఠ ఘన పరమ పురుషా అధోక్షజా — ఇంద్రియజ్ఞానమునకందని దివ్య తత్వమా నారసింహా — భక్త ప్రహ్లాదుని కాచిన కరుణాసాగరా అచ్యుతా — ఎన్నటికీ చ్యుతిలేని శాశ్వత సత్యమా జన్మజన్మలకు నా హృదయం — నీ ఆలయమై నిలవనీ జనార్దనా — జనుల ఆర్తిని తొలగించు జగద్రక్షకా ఉపేంద్రా — దేవేంద్రుని సోదరుడై వెలసిన వామనా హరీ — హృదయమలినముల హరించు శ్రీహరీ శ్రీకృష్ణా — భక్తి ప్రేమల పరిపూర్ణ పరబ్రహ్మా జన్మజన్మలకు నా హృదయం — నీ ఆలయమై నిలవనీ నీ నామమే కమనీయ గానము నారాయణా — నీ నామమే జీవమంత్రము కేశవ నామాలే — హృదయార్చన పుష్పాలు నీ పాదములకర్పింతు — నీ నామచింతన చేయు నా చిత్తంబు కేశవ మాధవ ముకుందా గోవిందా కేశవ మాధవ ముకుందా గోవిందా కేశవ మాధవ ముకుందా గోవిందా