ડિપોર્ટેશનની ઐસી કી તૈસી કરી અમેરિકામાં કયા ધંધામાં બેફામ ડોલર છાપી રહ્યા છે અમુક ગુજરાતીઓ?

લીગલી કે પછી ઈલીગલી અમેરિકા જતાં ગુજરાતીઓ ત્યાં માત્રને માત્ર ડોલર્સ કમાવવા જ જતા હોય છે, અને અમુક લોકો ડોલર્સ માટે ગમે તે કરવા માટે તૈયાર હોય છે પછી ભલે તેમાં જેલમાં જવાનું કે ડિપોર્ટેશનનું રિસ્ક પણ કેમ ના હોય. અમેરિકામાં છેલ્લા એકાદ વર્ષમાં 22-25 વર્ષના છોકરાઓથી લઈને 40-45 વર્ષના આધેડ ગુજરાતીઓ ડોલર કમાવવા માટે અવળા કામ કરવા જતાં પોલીસના હાથે ઝડપાઈને જેલની હવા ખાઈ ચૂક્યા છે. તેમાંથી કેટલાક લોકો હાલ બોન્ડ પર બહાર છે, કોઈને સજા થવાની તૈયારીમાં છે જ્યારે અમુક લોકો માટે ડિપોર્ટ થવાની ઘડીઓ ગણાઈ રહી છે. સૂત્રોનું માનીએ તો અમેરિકામાં ચાલતા ગોલ્ડ બાર સ્કેમમાં અત્યારસુધી જેટલા ગુજરાતીઓ પકડાયા છે તે હિમશિલાની ટોચ બરાબર છે. નવાઈની વાત એ છે કે હાલના દિવસોમાં દર મહિને એવરેજ બે-ત્રણ ગુજરાતીઓ આ સ્કેમમાં પકડાઈ રહ્યા છે, પરંતુ તેમ છતાંય આ બેનંબરી ધંધો કોઈ ડર વિના ચાલી રહ્યો છે અને તેમાં પકડાઈ ના જવાય ત્યાં સુધી અમુક લોકો બેફામ ડોલર્સ પણ છાપી રહ્યા છે. જુઓ અમારી વેબસાઈટ: https://www.iamgujarat.com/ વધુ વિડીયો જોવા માટે ક્લિક કરો: https://gujarati.timesxp.com/ IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...