ಕೃಷ್ಣ ಜನ್ಮಾಷ್ಠಮಿಯ ಹಾಡು

||ನೀನೆ ಶಾಶ್ವತ|| ನಾರಾಯಣ ವಾಸುದೇವ ಕೃಷ್ಣ ಕೇಶವ ವಾರಿಜಾಕ್ಷ ವೆಂಕಟೇಶ ಶರಣು ಮಾಧವ||ಪಲ್ಲ|| ದ್ವಾರಕಾ ಪುರಾಧೀಶ ರಂಗನಾಯಕ ಘೋರ ದುರಿತ ದುಷ್ಟ ದೂರ ಸುಜನ ಪಾಲಕ|| ಮೂರು ಲೋಕದೊಡೆಯ ಮಹಾವಿಷ್ಣು ಜಯಜಯ ಚಾರು ವದನ ಚರಿತ ಮಹಿಮ ತೋರು ಕರುಣೆಯ||೧|| ಮೂಲಪುರುಷ ವೈಕುಂಠ ಪುರನಿವಾಸನೇ ಆಲದೆಲೆಯ ಮೇಲೆ ಮಲಗಿದಂಥ ದೇವನೇ|| ಬಾಲಕಷ್ಣನಾಗಿ ಬಂದ ಭವ ವಿನಾಶನೇ ನೀಲವರ್ಣ ನಿರ್ವಿಕಲ್ಪ ನಿತ್ಯ ತೃಪ್ತನೇ||೨|| ವೇಣುನಾದ ಬಲು ವಿನೋದ ವೇದಗೋಚರ ಕ್ಷೋಣಿ ಭಾರನಿಳುಹಲೆಂದು ಬಂದ ಮುರಹರ|| ದಾನವಾರಿ ಹೇ ಮುರಾರಿ ಗರುಡ ವಿಹಾರಿ ದಾನ ಬೇಡಿ ಬಲಿಯ ಗರ್ವ ಮುರಿದ ಶೌರಿ||೩|| ವಾಸುದೇವ ವಿಶ್ವಪಾಲ ಹೇ ಮುಕುಂದನೇ ಶೇಷ ಶಯನ ಶ್ರೀನಿವಾಸ ಶ್ರೀನಿಕೇತನೇ|| ವಾಸವಾರ್ಚಿತಾದಿ ದೇವ ದಿವಿಜ ವಂದ್ಯನೇ ಮಾಸದಿರುವ ಭಕ್ತಿ ಕೊಡು ಭುವನ ಪಾಲನೇ||೪|| ವೇಣು ಗೋಪಾಲಕೃಷ್ಣ ಕರುಣಸಾಗರ ಮೌನಿ ಜನರ ಹೃದಯ ವಾಸ ಜಯತು ಶ್ರೀಧರ|| ಬಾಣ ದನುಜ ಗರ್ವವನ್ನು ಮುರಿದ ಮೂರುತಿ ಆನರೋತ್ತಮನ ರಥಕೆ ಆದೆ ಸಾರಥಿ||೫|| ಬಿಲ್ಲ ಹಬ್ಬದಲ್ಲಿ ಕಂಸನನ್ನು ಮಡುಹಿದೆ ಗೊಲ್ಲನಾಗಿ ಸಕಲ ಸುಜನರನ್ನು ಸಲಹಿದೆ|| ಎಲ್ಲ ನಿನ್ನ ಮಾಯೆ ಕೃಷ್ಣ ಮೆರೆವ ಚಕ್ರದಿ ಕೊಲ್ಲಿಸಿದೆ ಕೌರವಾದಿಗಳನು ಭವರದಿ||೬|| ಅಷ್ಟಮಿಯ ತಿಥಿಯೊಳುದಿಸಿ ಬಂದ ದೇವನೇ ಶ್ರೇಷ್ಠ ಮೂರುತಿಯೆ ಕೃಷ್ಣ ನಿನಗೆ ವಂದನೇ|| ಪುಟ್ಟ ಪುಟ್ಟ ಹೆಜ್ಜೆಯಿಡವ ಬಾಲಕೃಷ್ಣನೇ ಮೆಟ್ಟು ನಮ್ಮನೆಯ ಹೊಸಿಲ ಬಾರೊ ಕೃಷ್ಣನೇ||೭|| ಚೋರನೆಂದು ಪೋರನೆಂದು ಕರೆದರೆಲ್ಲರು ಶೌರಿ ನಿನ್ನ ನಾಟಕವನಾರು ಬಲ್ಲರು?|| ಮೂರು ಲೋಕದೊಡೆಯ ನಿನ್ನ ಮಹಿಮೆಯದ್ಭುತ ಬೇರೆ ದಾರಿಯಿಲ್ಲವೆಮಗೆ ನೀನೆ ಶಾಶ್ವತ||೮|| ************************************** ನರಸಿಂಹ ಹೆಬ್ಬಾರ ಮಲವಳ್ಳಿ ಚಾರು ವದನ=ಸುಂದರವಾದ ಮುಖ, ಕ್ಷೋಣಿ=ಭೂಮಿ, ವಾಸವಾರ್ಚಿತ=ಇಂದ್ರನಿಂದ ಪೂಜಿಸಲ್ಪಡುವವ, ದಿವಿಜ=ದೇವತೆಗಳು, ಬಾಣ ದನುಜ=ಬಾಣನೆಂಬ ಅಸುರ, ಮತ್ತಷ್ಟು ಹಾಡಿಗಾಗಿ ನನ್ನ channal ಸಬ್ಸ್ಕ್ರೈಬ್ ಮಾಡಿಕೊಳ್ಳಿ.. ನಿಮ್ಮ ಒಂದು like, comment, share, subscribe ಮಾಡುವುದರ ಮೂಲಕ ನನಗೆ ಪ್ರೋತ್ಸಾಹ ನೀಡಿ... ನಿಮ್ಮ ಒಂದು like comment ಸಬ್ಸ್ಕ್ರೈಬ್ ನನಗೆ ಇನ್ನಷ್ಟು ಹಾಡನ್ನು ಹಾಡಲು ಪ್ರೋತ್ಸಾಹ ಸಿಕ್ಕಿದಂತಾಗುತ್ತದೆ.. ಈ channel ಅಲ್ಲಿ ನಾನು ಎಲ್ಲಾ ತರಹದ ಹಾಡು,ಶ್ಲೋಕ, ಭಜನೆ,ಹಾಗೂ ಉಪಯುಕ್ತ ಮಾಹಿತಿ ನೀಡುವ ಪ್ರಯತ್ನ Thank you 🙏for watching ❤️ ಧನ್ಯವಾದಗಳು ❤️🙏