என் இருதயத்தை ஸ்திரப்படுத்தும்

வேத அடிப்படை: சங்கீதம் 31:24 · 1 சாமுவேல் 30:6 பல்லவி என் இருதயத்தை ஸ்திரப்படுத்தும் என் இயேசுவே, என்னைத் திடப்படுத்தும் என் கண்ணீரை உம் பாதத்தில் வைக்கிறேன் உம் சமாதானத்தில் இளைப்பாறுகிறேன் கசப்பெல்லாம் கிருபையாய் மாறட்டுமே காயமெல்லாம் சுகமாய் மாறட்டுமே என் உள்ளத்தின் ஆழத்தில் நீர் தங்குமே என் வாழ்வெல்லாம் உம் அன்பில் மலரட்டுமே சரணம் 1 சொல்ல முடியாத சோகங்கள் உண்டு சுமக்க முடியாத பாரங்கள் உண்டு யாரும் அறியாத காயங்கள் உண்டு ஆனால் என் உள்ளம் அறிபவர் நீரே வெளியே சிரித்தாலும் உள்ளத்தில் வலி வார்த்தைகள் நின்றாலும் கண்ணீரின் ஒலி என் இருதயத்தின் ஆழத்தைத் தொட்டு என் பாரம் சுமந்து என்னை அணைப்பீரே சரணம் 2 என்னைப் புண்படுத்திய நினைவுகள் எல்லாம் என் நெஞ்சில் எழுப்பும் கேள்விகள் எல்லாம் உம் அன்பின் வெளிச்சத்தில் கரையட்டுமே உம் மன்னிப்பின் நீரில் கழுவட்டுமே என்னை வெறுத்தவர் மீது வெறுப்பில்லை என்னை மறந்தவர் மீது கசப்பில்லை நீர் எனக்குச் செய்த கிருபையை எண்ணி அன்புடன் வாழும் வரம் தாருமே சரணம் 3 என் வாசல் திறக்குமுன் உள்ளம் திறக்கட்டும் என் நிலை மாறுமுன் சிந்தை மாறட்டும் வெளியில் விடுதலை காண்பதற்கு முன்பே உள்ளத்தில் உம் அமைதி ஆளட்டுமே புது வாய்ப்பு வந்தாலும் வீணாகாதபடி புது பாதை திறந்தாலும் தவறிப் போகாதபடி என் சிந்தை, சொல், செயல் அனைத்தையும் உம் கரத்திலே தினமும் ஒப்புவிக்கிறேன் பிரிட்ஜ் என் உள்ளம் உமதே என் கண்ணீர் உமதே என் காயங்கள் உமதே என் நாளைகள் உமதே என் கோபத்தை அன்பாய் மாற்றும் என் சோர்வைப் பெலனாய் மாற்றும் என் கசப்பை கிருபையாய் மாற்றும் என் இயேசுவே, என்னைப் புதுப்பியும் இறுதிப் பல்லவி என் இருதயத்தை ஸ்திரப்படுத்தும் என் இயேசுவே, என்னைத் திடப்படுத்தும் உம் பாதத்தில் எல்லாம் வைக்கிறேன் உம் சமாதானத்தில் இளைப்பாறுகிறேன்.