Атырауда көпқабатты үйдің кәріз құбыры жарылып, баспаналар нәжіске толды

Атырауда көпқабатты үйдің кәріз құбыры жарылып, тұрғындардың баспанасын қалдық су басты. Бөлмелері нәжіске толған жұрт жанайқайын жеткізу үшін облыс әкімдігінің алдында шу шығарды. Себебі, апат жиі қайталанып, жөндеу жұмыстарына қаражатты қалтамыздан шығарым шаршадық дейді ашынған жандар. Сондықтан бұл мәселені шенеуніктер шешіп бергенін қалайды. Тұрғындар қазір үйлеріне кіре алмай жүр. Кәріз суы бөлмелерді басып қалған. Халық құжаты мен қажетті заттарын алып, туыстарымызды паналауға мәжбүрміз деп ашынады. Шарасыз күйге түскен жандар облыс әкімінен көмек сұрауға келді. Өйткені, басқа шенеуніктер мәселемізге бас қатырғысы келмейді деп отыр. НАТАЛЬЯ КРАСНОВА, Атырау қаласының тұрғыны: Баспанамыздан кәріз жарылып бүкіл жерге тарады. Жер көктің бәрін нәжіс суы басты. Тұншығып, әрең жүрдік. Балалар шетінен ауырып бітті. Қазір үй іші шылқыған су туыстарымыздың үйін паналап кеттік. Шіріген құбырларды тұрғындарды өздері шүберекпен жамап қойған. Алайда, ол да көпке шыдас бермеген екен. БОЛАТ ҚАЛИЕВ, Атырау қаласының тұрғыны: Мен бірінші қабатта тұрамын. 2024 жылы да жарылды ескі құбырлар. Содан бері ешкім жөндеп бермеді. Қазір сасық иістің бел ортасында отырмыз. Өзім екінші топ мүгедегімін. Әкімдікті бізді назардан тыс қалдырды. Ал жауаптылар істен шыққан құбырды жөндеу құзіретімізге кірмейді деп отыр. Сондықтан мәселені тұрғындар пәтер иелері кооперативі арқылы шешуі тиіс. ОЛЖАС ХАСАНОВ, Атырау қалалық түкш және тұрғын үй инспекциясы бөлімі басшысының орынбасары: Канализация бойынша жалпы тұрғын үй қатынастары заңына сәйкес тұрғын үйдің инженерлік желілері қалпына келтіру күтіп ұстау тұрғындардың өздерінің міндеттері болып жүктелген. Сол себепті бұл тұрғындардың ортақ мүлік болып есептелгеннен бұл жұмысқа кететін шығындар бюджет қаражатын бөлу қарастырылмаған. Бұл көпқабатты үйде жүзден астам тұрғын бар. Олар баспананы орталық кәріз жүйесіне қосып беруді талап етеді. Жауаптылардың жауабына қанағаттанбаған қараша аймақ басшысының қабылдауына жазылып кетті. #Информбюро #31арна #БастыЖаңалықтар #Новости #31канал